Sýret: baq.kz
Jumys saparyna ORK hatshysy Shavhat О́temisov, ORK múshesi Ásel Janábilova men komıssııa apparatynyń jaýapty qyzmetkerleri de qatysty. Sapar barysynda olar Almaty qalasyndaǵy №254, 378, al Qonaev qalasyndaǵy № 946, 947, 949 referendým ýchaskesiniń jaǵdaıymen tanysty.
Búginde naýqanǵa qatysýǵa quqyǵy bar azamattar Almaty qalasynda 1 311 842 bolsa, Almaty oblysynda – 1 029 611. Olar úshin daýys berý pýnktterinde aqparattyq stendterde referendým komıssııalarynyń quramy, joǵary turǵan komıssııalardyń, sot, prokýratýra jáne quqyq qorǵaý organdarynyń ornalasqan orny men telefondary, sondaı-aq bıýlleten úlgisi, jańa Konstıtýsııa jobasynyń mátini men ǵımaratta daýys berýdiń tártibi týraly qamtylǵan.
Ýchaskelerde qoljetimdi jáne ınklıýzıvti orta jasaýǵa erekshe kóńil bólingen. Múgedektigi bar adamdar úshin daýys berýge arnalǵan bıýlletenderge Braıl qarpi bar trafaretter, arba paıdalanatyn azamattar úshin beıimdelgen qupııa daýys berý kabınalary, arnaıy jabdyqtalǵan burysh (kompıýter, úlkeıtkish áınek, qosymsha jaryqtandyrý) qarastyrylǵan.
Naýqan aıasynda qoljetimdilikti arttyrýdyń qosymsha tetigi retinde aqparattandyrýdyń keńeıtilgen formaty engizildi. Iаǵnı árbir ýchaskede jańa Konstıtýsııa jobasynyń mátindik nusqasymen qatar, aýdıo nusqasy da qoljetimdi. Referendým kúni óz ýchaskesinde daýys bere almaıtyn, ýaqytsha basqa jerde bolatyn azamattardyń elektoraldy quqyqtaryn qamtamasyz etý maqsatynda zańnamaǵa sáıkes esepten shyǵarý kýáligin alý múmkindigi de bar.
Qazirgi ýaqytta azamattardy respýblıkalyq referendýmnyń ótý barysy týraly ártúrli baılanys arnalary arqyly keńinen aqparattandyrý uıymdastyrylyp otyr. Arnaıy onlaın servıster iske qosylýda. Osyǵan baılanysty ORK tóraǵasy ýchaskelik komıssııalarǵa ár daýys berýshige QR kody bar derbes shaqyrý qaǵazdaryn jetkizý jumystaryn sapaly túrde qamtamasyz etýdi tapsyrdy.
Megapolıs pen Qonaev qalasynda ótkizilgen jıynda vedomstvoaralyq úılestirý máselelerine erekshe nazar aýdaryldy. Keńeste jergilikti atqarýshy organdardyń basshylary respýblıkalyq referendýmǵa qatysýshylar tizimin ózektendirý jumysyn aıaqtaǵandary jáne ýchaskelerdiń daýys berý kúnine daıyndyq deńgeıi týraly baıandady.
Esepke sáıkes Almaty qalasynda 663 referendým komıssııasy jumys isteıdi, onyń ishinde 9-y – aýmaqtyq, 654-i – ýchaskelik. Bul komıssııalardyń quramynda barlyǵy 4 615 adam bar. Al Almaty oblysynda 694 referendým komıssııasy (12 aýmaqtyq jáne 682 ýchaskelik) jumyldyrylǵan. Olardyń qatarynda 4 806 azamat jumys isteıdi.
Sapar aıasynda aýmaqtyq jáne ýchaskelik referendým komıssııalarynyń basshylaryna arnalǵan semınar ótkizildi. Oqytý úderisi aldymen testileýden bastaldy, onyń nátıjesine sáıkes olardyń daıyndyq sharalary qalyptastyryldy. Semınar barysynda praktıkalyq keıster, naqty jaǵdaılarǵa arnalǵan ádistemelik usynymdar berildi.
Mundaı daıyndyq úlgisi aýdandar men qalalarda kaskadtyq ádispen júzege asyrylyp jatyr. Bul – barlyq deńgeıdegi komıssııalardyń kásibı daıyndyq standarttaryn birkelki qamtamasyz etýge baǵyttalǵan.
