Foto: ingos.ru
Investısııanyń neǵurlym serpindi ósýi qarjy men saqtandyrý qyzmetinde 88,4%-ǵa, 313,5 mlrd teńgege deıin baıqaldy. Sonymen qatar birneshe negizgi salada ınvestısııa aıtarlyqtaı ósken:
elektr energııasymen, gazben, býmen jáne ystyq sýmen jabdyqtaý salasynda – 53,1%;
aýyl sharýashylyǵynda – 53%;
óńdeý ónerkásibinde – 30,1%;
aqparat jáne baılanys salasynda – 13,4%;
bilim berýde – 9,2%;
kólik pen qoımada – 9%.
2025 jyldyń 9 aıynda elimizge tikeleı salynǵan sheteldik ınvestısııanyń jalpy kólemi 14,9 mlrd dollarǵa jetken. Bul 2024 jylǵy sáıkes kezeńmen (13,4 mlrd dollar) salystyrǵanda 10,9%-ǵa artyq.
Investısııalyq ahýaldy odan ári jaqsartý úshin Qazaqstannyń 2030 jylǵa deıingi Investısııalyq saıasat tujyrymdamasy bekitildi. Qujat jańa jahandyq ekonomıkalyq úrdisterdi eskere otyryp, ınvestısııa tartý júıesiniń tıimdiligin arttyrý jónindegi sharalar keshenin kózdeıdi.
Tujyrymdamanyń negizgi maqsaty – qosylǵan quny joǵary básekege qabiletti óndiris qurýǵa jáne ekonomıkanyń shıkizattyq emes salasyn damytýǵa ınvestısııa tartý.
Búginde Qazaqstanda ınvestısııa tartýdyń syrtqy, ortalyq jáne óńirlik deńgeıi jumys istep jatyr. Bul rette ınvestorlarmen jumys isteýde áleýetti áriptesterdi izdeýden jáne kelissózder júrgizýden bastap, jobalardy iske asyrýǵa jáne olardy odan ári súıemeldeýge deıingi keshendi tásil engiziledi.
«Kazakh Invest» UK» AQ sheteldik ókildikteriniń jelisin keńeıtý jáne jumys istep turǵan keńselerdi qaıta uıymdastyrý esebinen eldiń ınvestısııalyq áleýetin halyqaralyq ilgeriletýdi kúsheıtý josparlanyp otyr.
Salalyq memlekettik organdar bıznespen birlesip, ekonomıkanyń jalpy qosylǵan qunyn ulǵaıtýǵa arnalǵan basym ınvestısııalyq jobalardyń tizbesin qalyptastyrady. Mundaı jobalardy daıyndaý jáne qurylymdaý úshin «Báıterek» UIH» AQ janynan ınvestısııalyq qyzmet (Investment Board) quryldy. Ol iri ınfraqurylymdyq bastamalardy iske asyrýmen de aınalysady.
Investorlardy keshendi súıemeldeý úshin Kazakhstan Investment House atty negizgi damý ınstıtýttaryn biriktiretin jáne ınvestısııalyq rásimniń jedel jáne ashyq ótýin qamtamasyz etetin «bir tereze» qaǵıdaty boıynsha biryńǵaı ortalyq qurylady.
Investısııalardy tartýda óńirlerge erekshe ról beriledi. О́ńirlik ınvestısııalyq shtabtardyń jumysyn kúsheıtý, ınvestısııalyq jobalardy daıyndaý sapasyn arttyrý jáne qajetti ınfraqurylymdy damytý josparlanyp otyr.
Jeti jylda negizgi kapıtalǵa salynǵan ınvestısııa kólemi eki esege jýyq ósti
Áleýmettik-kásipkerlik korporasııalar salalyq klasterlerdi qalyptastyrýǵa jáne aktıvterdi tıimdi basqarýǵa baǵdarlanǵan óńirlik damý ınstıtýttaryna aınaldyrylady. Bir mezgilde arnaıy ekonomıkalyq jáne ındýstrııalyq aımaqtar sheńberinde ınvestorlar úshin rásimder jeńildetiledi.
Qosymsha sharalar ınvestorlardyń quqyǵyn qorǵaýdy kúsheıtýge arnalǵan. Investısııalyq ombýdsmenniń fýnksııasy Bas prokýrorǵa beriledi. «Jasyl dáliz» dep atalatyn qatysýshylarǵa memlekettik qyzmetterdi alýdyń jedeldetilgen tártibi engiziledi.
Budan basqa, óńirlerde ınvestısııalyq jobalardy iske asyrýdy quqyqtyq súıemeldeýdi qamtamasyz etetin ınvestısııalyq prokýrorlar taǵaıyndalady.
