Qostanaı oblysynda kıikter qyryldy

QOSTANAI. 13 mamyr. Qostanaı oblysynyń Amangeldi aýdanynda qyrylǵan kıikterdiń ólekseleri tabyldy. Bul týraly egemen.kz tilshisi habarlady. Osydan bir-eki kún buryn «Altyn dala» rezevatyna kiretin Amangeldi aýdanynan 100 bas kıiktiń óleksesi tabylǵan bolatyn. Osyny estisimen oblystaǵy birneshe vedomstvonyń basshylary Amangeldi aýdany aýmaǵyn ushaqpen ushyp ótti. Búginge deıin oblystyq orman sharýashylyǵy jáne janýarlar álemi aýmaqtyq ınspeksııasynyń mamandary onyń 117-ge jetkenin anyqtady. Mamandardyń aıtýynsha, kıikter kóteremdikten qyrylǵan. Marat Begimbetov: «Kıikterdiń ólekselerinen olardy atqan belgi bilinbeıdi. О́lgen kıiktiń ekeýi tekesi, beseýi quralaıy, qalǵany eshkisi. Kıikter kótermdikten qyryldy degen boljam bar. Onyń naqty sebebin, sońǵy qorytyndyny zertteýge ketken mamandar aıtatyn bolady», dedi. Kıikterdiń kóterem bolýyna ótken jazdaǵy qýańshylyq sebep boldy. Jerdiń shańy shyǵyp jatyrqandyqtan, kıikterdiń tisine iliner shóp bolmaǵan. 2012 jyly kıikterdiń bulaı qyrylýy Jangeldın aýdanynda da oryn alǵan bolatyn. Onda kıiktiń 200-den astam óleksesi jınalyp, joıylǵan bolatyn. Názıra Járimbetova. Derek, sýret: egemen.kz