Mońǵolııadaǵy «Búrgedıın baıar – 2026» («Búrkit toıy – 2026») jarysynda mońǵolııalyq qusbegi Serik Jeńisbek birinshi orynǵa, úshinshi orynǵa Búrkithan Haızym ıe boldy.
Buǵan deıin dástúrli túrde ótkizilip kelgen qusbegiler festıvali bıyl alǵash ret álem chempıonaty formatyna keńeıtildi. Bul týraly «Mongolian National Broadcaster» jáne «iSee» sııaqty mońǵolııalyq basylymdar jarııalady.
Festıvalǵa Baıan-О́lgeı, Tóv, Selenge aımaqtarynan 29 jergilikti búrkitshi, Qazaqstan, Qyrǵyzstan, Ispanııa, Majarstan, Reseıden kelgen 16 sheteldik sportshy, jıyny 45 qusbegi qatysqan.
Jerlesimiz Erzat Baıqadamov – buǵan deıin de iri jarystarda júlde alyp júrgen tájirıbeli qusbegi. 2025 jyldyń aqpan aıynda Petropavl qalasynda ótken eresekter arasyndaǵy el chempıonatynda kúmis medal ıelengen. Onda «Zańǵar» atty búrkitpen óner kórsetken. Qusbegilik dástúrde nátıje adamnyń sheberligine ǵana baılanysty emes. Munda búrkit pen qusbeginiń uzaq jyldar qalyptasqan úılesimi sheshýshi ról atqarady.
Búrkitpen ań aýlaý jarysy birneshe kezeńnen turady. Ádette qustyń belgili qashyqtyqtan qojaıynyna qaıta oralýy, nysanaǵa shabýyl jasaý sheberligi, ańǵa túsýi sııaqty daǵdylar baǵalanady. Qazaq qusbegiligi adam, qus jáne jylqy arasyndaǵy erekshe baılanysqa negizdelgen. Iаǵnı bul óner tek sport emes, kóshpeli mádenıettiń kúrdeli tájirıbelik júıesi sanalady.
Abaı oblysy
