«Eldiń bolashaǵy úshin ár azamat referendýmda óz daýysyn berýge mindetti. Búgingideı el eńsesin tiktegen shaqta aýyzbirligimiz myqty bolýy tıis», deıdi qarııa.
Sondaı-aq, soǵys ardageri referendýmǵa kelýshilerge, komıssııa músheleri men baıqaýshylarǵa búgingideı mańyzdy saıası naýqannyń sátti ótýine tilektestigin bildirip, aq batasyn berdi. Jalpy, saıramdyqtardyń referendýmǵa degen belsendiligi joǵary deńgeıde baıqalyp otyr.
Maıdanger aqsaqal 1926 jylǵy 10 qarashada Ońtústik Qazaqstan oblysynyń Saıram aýdanyndaǵy Qarabulaq aýylynda dúnıege kelgen. Áskerge shaqyrylǵanǵa deıin «Jumysshy» ujymsharynda eńbek etken. 1944 jyly 5 mamyrda Saıram aýdandyq áskerı komıssarıatynan áskerge shaqyrylyp, 64-shi atqyshtar polkinde qyzmet atqarǵan. Qatardaǵy jaýynger retinde Polshany azat etý jolyndaǵy shaıqastarǵa, Germanııadaǵy urystarǵa qatysqan. Elge 1949 jylǵy 10 sáýirde oralǵan. II dárejeli «Otan soǵysy» ordenimen, «Germanııany jeńgeni úshin» medalimen jáne mereıtoılyq segiz medalmen marapattalǵan. Áskerden kelgennen keıin zeınetkerlikke shyqqanǵa deıin Á. Naýaı atyndaǵy ujymsharda júrgizýshi bolyp eńbek etti. Qarabulaq aýylynda turatyn qarııanyń 9 balasy, 28 nemeresi, 5 shóberesi bar.
Aıta keteıik, oblys boıynsha barlyǵy 947 referendým ýchaskesi óz jumysyn bastady. О́ńirde 1 187 257 azamattyń daýys berý quqyǵy bar. Bul oblys halqynyń 55,4 paıyzyn quraıdy.
