Ahmet Ienerdiń aıtýynsha, Qazaqstan halqynyń referendýmǵa joǵary belsendilikpen qatysýy demokratııalyq úderistiń damyp kele jatqanyn kórsetedi. Onyń málimetinshe, jarııalanǵan aldyn ala nátıjeler boıynsha halyqtyń 73,12 paıyzy referendýmǵa qatysyp, usynylǵan ózgeristerdi qoldaǵan.
«Qazaqstan halqynyń saılaý ýchaskelerine belsendi kelip, óz quqyqtaryn paıdalanyp daýys berýi demokratııa turǵysynan óte qýanyshty jaǵdaı», dedi ol.
Baqylaýshylar saılaý ýchaskelerindegi jumys barysyn da oń baǵalady. Olardyń aıtýynsha, ýchaske qyzmetkerleri kásibı deńgeıde jumys istep, barlyq suraqtarǵa tolyq jaýap bergen. Bul óz kezeginde saılaý komıssııasynyń aldyn ala júrgizgen daıyndyq jumystarynyń sapasyn kórsetedi.
Reseı OSK ókili: Qazaqstandaǵy referendým zań talaptaryna saı ótti
Sonymen qatar halyqaralyq baqylaýshylar erekshe atap ótken jańashyldyqtyń biri – múmkindigi shekteýli azamattarǵa arnalǵan aqparattyq júıeler. Kompıýterlik formatta usynylǵan túsindirme materıaldar saılaý prosesin barynsha qoljetimdi etken.
«Bul tájirıbe biz úshin óte qyzyqty ári paıdaly boldy. Bolashaqta basqa elderdegi saılaý prosesterinde de qoldanýǵa bolatyn tájirıbe dep sanaımyz», dedi Ahmet Iener.
Jalpy alǵanda, halyqaralyq baqylaýshylar Qazaqstandaǵy referendým ashyq, ádil jáne qaýipsiz jaǵdaıda ótkenin atap ótti. Olar azamattardyń daýys berý quqyǵyna úlken mán berilgenin jáne barlyq uıymdastyrý sharalary halyqaralyq standarttarǵa saı júzege asyrylǵanyn jetkizdi.
Referendýmdy baqylaý: «El daýysy» qory aldyn ala qorytyndylaryn jarııalady
