Habarlamada: «Ormuz buǵazynyń jumysyn qaıta jandandyrý sanksııalardy kepildi túrde alyp tastaý, amerıkalyq bazalardy jabý, buǵattalǵan ırandyq aktıvterdi qaıtarý jáne dollardan ózge valıýtalarda saýdany damytý sııaqty aldyn ala sharttarǵa baılanysty», delingen.
Buǵan deıin Tegeran AQSh pen Izraıldiń Iranǵa qarsy operasııasyna qatyspaǵan elderdiń keıbir kemelerine buǵaz arqyly ótýge ruqsat bergenin málimdegen edi. Iran Syrtqy ister mınıstrliginiń ókili Ismaıl Bagaı buǵaz tolyq jabylmaǵanyn, alaıda keme qatynasy belgili bir sharttarmen júzege asyp jatqanyn atap ótti. Degenmen ol bul talaptardyń mazmunyn naqtylamady.
Sonymen qatar joǵary laýazymdy ırandyq sheneýnik CNN telearnasyna bergen suhbatynda Tegeran munaı tasymaldaýshy tankerlerdiń buǵaz arqyly shekteýli ótý múmkindigin qarastyryp otyrǵanyn aıtty. Onyń sózinshe, mundaı jaǵdaıda júk qytaı ıýanimen saýdalanýy tıis. Al Irannyń Islam revolıýsııasy saqshylary korpýsy AQSh pen Izraıl elshilerin shyǵarý talaptarynyń da qoıylǵanyn buryn málimdegen.
Ormuz buǵazy arqyly álemdik munaıdyń shamamen 20 paıyzy jáne suıytylǵan tabıǵı gaz jetkiziliminiń 30 paıyzy ótedi. Sondyqtan ol jahandyq energetıkanyń negizgi kúretamyry sanalady.
AQSh pen Izraıldiń Iranǵa qarsy áskerı operasııasy bastalǵannan keıin Tegeran buǵazdaǵy keme qozǵalysyn is júzinde shektedi. Sonyń saldarynan álemdik naryqta energııa tasymaldaýshylardyń baǵasy kúrt ósti. Parsy shyǵanaǵynan shyǵatyn otyn tasymaly qıyndap, birqatar munaı kompanııasy fors-major jarııalaýǵa májbúr boldy.
Ormuz buǵazynyń buǵattalýy álemde qandaı táýekelder týdyrady?
