Foto: egemen.kz/ Erlan Omar
Qoldaý aıasynda árbir sportshyǵa 2 500 dollar kóleminde qarajat berilgen.
Atalǵan baǵdarlama Olımpıadaǵa irikteý kezeńi men daıyndyq barysynda sportshylarǵa qarjylaı qoldaý kórsetýge baǵyttalǵan. El atletteriniń stıpendııa ıegerleri qataryna qosylýyna Qazaqstan Ulttyq Olımpıadalyq komıteti bastamashy bolǵan. UOK ulttyq federasııalarmen jáne HOK-pen birlesip jumys júrgizip, ótinim berý prosesin tolyq úılestirgen.
Jankúıerler Erbol Hamıtovty áýejaıda saltanatty túrde qarsy aldy
Stıpendııa 2028 jylǵy Olımpıada oıyndarynyń baǵdarlamasyna engen jeke sport túrlerinde baq synaıtyn sportshylarǵa beriledi. Irikteý barysynda úmitkerlerdiń nátıjeleri, Olımpıadaǵa joldama alýǵa múmkindigi jáne joǵary nátıje kórsetý áleýeti basty nazarǵa alyndy. Sonymen qatar dopıngke qatysty ereje buzý derekteriniń bolmaýy jáne Olımpıadalyq hartııa talaptaryna qaıshy keletin jaıttardyń joqtyǵy mańyzdy talaptardyń biri boldy.
Qazaqstan quramasy dzıýdodan Avstrııadaǵy Gran-prıdiń alǵashqy kúninde bir qola medal jeńip aldy
«Bólingen qarajat oqý-jattyǵý jıyndaryn ótkizýge, jeke daıyndyqqa, jattyqtyrýshylar men mamandardyń eńbekaqysyn tóleýge, medısınalyq jáne ǵylymı qoldaýǵa, saqtandyrýǵa, sondaı-aq, turý men tamaqtaný shyǵyndaryn óteýge jumsalýy múmkin. Qarjynyń jumsalýy belgilengen tártipke saı turaqty túrde esepke alynady. 2028 jylǵy Olımpıadaǵa daıyndyq kezeńi bastaldy. Árbir daıyndyq satysynyń mańyzy zor. Bul stıpendııa sportshylarǵa jattyǵý josparyn júıeli quryp, irikteý jarystaryna tyńǵylyqty ázirlenýge kómektesedi. Nátıjesinde olar kózdegen kórsetkishterine qol jetkizýge múmkindik alady», delingen Ultyq olımpıada komıteti taratqan habarlamada.
Qysqy Paralımpıada aıaqtaldy: Qazaqstan jalpy esepte qandaı nátıje kórsetti?
HOK stıpendııasyn ıelengen sportshylar:
- Aıda Ábikeeva (boks);
- Saǵyndyq Toǵambaı (boks);
- Ǵusman Qyrǵyzbaev (dzıýdo);
- Ábıba Ábýjaqynova (dzıýdo);
- Mılad Karımı (sporttyq gımnastıka);
- Rýslan Kýrbanov (semserlesý);
- Ishar Kýrbaev (grek-rım kúresi);
- Rızabek Aıtmuhan (erkin kúres);
- Zeınep Baıanova (áıelder kúresi);
- Marııa Brovkova (eskek esý - baıdarka/kanoe);
- Aleksandra Le (nysana kózdeý);
- Islam Sátpaev (nysana kózdeý);
- Ámir Maımuratov (sporttyq quzǵa órmeleý);
- Batyrhan Tóleýǵalı (taekvondo)
- Alan Qurmanǵalıev (ústel tennısi);
- Elızaveta Matveeva (jeńil atletıka);
- Ásem Orynbaı (stend atý);
- Sergeı Petrovıch (aýyr atletıka);
- Araı Nurlybekova (aýyr atletıka);
- Danıl Mýsabaev (batýttaǵy gımnastıka).
