Foto: gov.kz
Eńbek jáne halyqty áleýmettik qorǵaý mınıstrliginiń málimetinshe, jyl basynan Qazaqstanǵa kelgen qandastardyń 47,8%-y – Qytaıdan, 43,6%-y – О́zbekstannan, 2,7%-y – Túrikmenstannan, 2%-y – Reseıden, 2,2%-y – Mońǵolııadan jáne 1,7-y – basqa elderden kelgen.
Qandastardy qonystandyrý úshin eńbek kúshi tapshy Aqmola, Abaı, Qostanaı, Pavlodar, Atyraý, Batys, Shyǵys jáne Soltústik Qazaqstan oblystary anyqtalǵan.
Bul óńirlerinde 2026 jylǵa arnalǵan qandastardy qabyldaý kvotasy – 2 281 adamdy quraıdy. 2026 jyldyń 2 aıynyń qorytyndysy boıynsha atalǵan óńirlerge – 569 qandas qonystandy.
Joǵaryda atalǵan óńirlerde qonystanǵan qandastarǵa kóshýge sýbsıdııa túrinde mynadaı memlekettik qoldaý sharalary usynylady:
- Otaǵasyna jáne otbasynyń árbir múshesine 70 AEK (302,8 myń teńge) mólsherinde tólem;
- turǵyn úı jaldaýǵa jáne kommýnaldyq qyzmetterge aqy tóleýge bir jyl ishinde 15-30 AEK (64,9-den 129,8 myń teńgege deıin) mólsherinde tólem beriledi.
Aıta keteıik, jyl basynan beri 139 qandasqa túrli qoldaý sharalary kórsetilip,108 adam turaqty jumysqa ornalastyrylǵan.
