Foto: Úkimet, telegram
Erlan Nysanbaev jańa erejeler salalyq zańnamany jetildirý jáne ekologııalyq saıasattyń zamanaýı quraldaryn engizý arqyly júzege asyrylatynyn atap ótti.
Mınıstr eń mańyzdy baǵyttardy bólip kórsetti, sonyń ishinde:
- Retteýdiń aldyn alý modeline kóshý. Lastaný saldaryn joıýdan ekologııalyq zalaldyń aldyn alýǵa basa nazar aýdarylady;
- О́nerkásiptik kásiporyndardyń normatıvterdi asyrǵany úshin jaýapkershiligin belgileı otyra, ekologııalyq jańǵyrtýǵa baǵyttalǵan monıtorıngtiń avtomattandyrylǵan júıelerin engizý;
- Ekologııalyq talaptardy ónerkásiptik josparlaý jáne basqarý prosesterine biriktirýge múmkindik beretin keshendi ekologııalyq ruqsattar júıesin damytý;
- О́ńirlerde qaldyqtardy basqarý salasyndaǵy ınfraqurylymdyq problemalardy sheshýge baǵyttalǵan jobalardy jeńildikpen qarjylandyrý tetigin qoldanýdy jalǵastyrý josparlanýda. Bul baǵyt 64 jobany júzege asyrýdy kózdeıdi, sonyń ishinde 90 mlrd teńgeden astam somaǵa 26 joba qarjylandyrylyp, júzege asyrylýda;
- Ekonomıkalyq quraldardy keńeıtý, atap aıtqanda ofsettik sheshimderdi, sondaı-aq ekologııalyq tólemderdi qoldaný taza tehnologııalardy engizýdi yntalandyrýǵa múmkindik beredi.
«О́tken jyldyń sońynda qaldyqtardyń barlyq túrlerin basqarý tujyrymdamasy qabyldanǵanyn atap ótý mańyzdy, bul – búkil salany júıeleıtin alǵashqy baǵdarlamalyq qujat», dedi Erlan Nysanbaev.
