Mınıstrdiń aıtýynsha, jańartylǵan standarttarda irgeli ǵylymdardy tereńdetip oqytýǵa erekshe mán beriledi. Sonymen qatar IT salasyn damytý men sıfrlyq quzyretterdi qalyptastyrý negizgi basymdyqtardyń biri bolmaq.
Oqýshylar kóktemgi kanıkýlda qansha kún demalady?
«Negizgi nazar bastaýysh bilim berý deńgeıin nyǵaıtýǵa aýdarylady. О́ıtkeni dál osy kezeńde balanyń ári qaraıǵy bilim jolyn aıqyndaıtyn bazalyq bilim, daǵdylar men qundylyqtar qalyptasady. Biz tek oqý baǵdarlamalarynyń mazmunyn ǵana emes, oqýlyqtardyń sapasyn da qaıta qaraımyz. Sonymen qatar jyl saıyn birinshi synyp oqýshylary negizgi pánder boıynsha jumys dápterlerimen qamtamasyz etiledi», dedi Juldyz Súleımenova.
Jańa ózgerister aıasynda oqý baǵdarlamalary da jańartylyp, pánderdiń mazmuny qaıta qaralady. Máselen, 8-9 synyptar úshin «Qazaqstan geografııasy» pánin aptasyna eki saǵat kóleminde qaıta engizý máselesi qarastyrylyp jatyr.
Sondaı-aq 2026 jyly 3, 4, 7, 8 jáne 9-synyptarǵa arnalǵan mektep oqýlyqtary jańartylmaq.
Jalpy, bilim berý júıesindegi bul ózgerister oqýshylardyń sapaly bilim alýyna jaǵdaı jasap, zaman talabyna saı bilikti kadr daıarlaýdy kózdeıdi.
