Foto: naryk.kz
Bul týraly enpf.kz málimetinshe, 2019 jylǵy 20 jeltoqsanda EAEO elderi eńbekkerlerin zeınetaqymen qamsyzdandyrý týraly Kelisimge qol qoıdy. 2021 jylǵy 1 qańtardan bastap EAEO elderinde jumys istegen azamattar ózderiniń zeınetaqy quqyqtaryn jumys istegen eldiń azamattarymen teń dárejede qalyptastyra alady. Qazaqstanda bul kelisim BJZQ-ǵa jarna aýdarýdy jáne zeınet jasyna jetkende nemese I, II toptaǵy múgedektik jaǵdaıynda tólem alýdy retteıdi.
Mysaly, Qazaqstan azamaty EAEO-ǵa múshe elderdiń birinde 3-5 jyl eńbek ótilin jınasa, zeınetke shyǵý quqyǵy týyndaǵanda óz elinde jumys istegen kezeńi úshin zeınetaqy taǵaıyndalady. О́tinishti azamat BJZQ nemese tıisti múshe memlekettiń quzyretti organyna bere alady. Eńbek ótili men zeınetaqy tólemine qajetti qujattar ár memlekettiń ulttyq zańnamasymen retteledi.
Qazaqstanda EAEO elderiniń eńbekkerleriniń eńbek ótilin rastaý jónindegi quzyretti organdar – BJZQ, Eńbek jáne halyqty áleýmettik qorǵaý mınıstrliginiń Halyqty áleýmettik qorǵaý salasyndaǵy retteý jáne baqylaý komıteti men olardyń aýmaqtyq bólimsheleri. BJZQ 1998 jylǵy 1 qańtardan keıingi eńbek ótili týraly derekterdi aqparattyq júıeden usynady.
Statıstıka kórsetip otyrǵandaı, 2026 jylǵy 1 qańtardaǵy jaǵdaı boıynsha:
– Qazaqstanda EAEO elderiniń 105 029 azamaty úshin BJZQ-ǵa zeınetaqy jarnalary aýdaryldy;
– 291 azamat úshin zeınetaqy tólemderi taǵaıyndaldy, onyń ishinde 266 – zeınet jasyna jetýine baılanysty, 25 – eńbekkerdiń qaıtys bolýyna baılanysty muragerlerge;
– Reseı men Qyrǵyzstan quzyretti organdary Qazaqstannyń 26 azamatyna ómir boıǵy zeınetaqylar taǵaıyndady, al 4 azamatqa asyraýshysynan aıyrylý jaǵdaıyna baılanysty tólemder berildi.
Kelisimniń qoldanylýy qysqa merzimde bolsa da, EAEO azamattary úshin óz quqyqtaryn Odaq elderinde júzege asyrý múmkindigi naqty qamtamasyz etildi, bul qujattyń negizgi maqsatyna jetkenin kórsetedi.
Endi azamattar zeınetaqy aktıvterin ınternet-platforma arqyly baqylaı alady
