Otyrysty ashqan Premer-mınıstr Dırektorlar keńesiniń múshelerin jáne shaqyrylǵandardy elimizdiń jańa Konstıtýsııasynyń qabyldanýymen quttyqtap, oqıǵanyń tarıhı mańyzdylyǵyn atap ótti.
«Qazaqstan óziniń saıası, áleýmettik-ekonomıkalyq jáne qoǵamdyq damýynyń jańa kezeńine aıaq basty. Bizdiń barlyǵymyzdy elimizdiń Ata zańynda ornyqqan qaǵıdattardy, normalar men postýlattardy júzege asyrý boıynsha úlken jumystar kútip tur», dedi O.Bektenov.
«Báıterek» UIH basqarma tóraǵasy Rýstam Qaraǵoıshınniń málimetinshe, byltyr enshiles uıymdar arqyly ekonomıkanyń shıkizattyq emes salalaryn qarjylandyrý kólemi 8 trln teńgeni qurady. Bul aldyńǵy jylǵy deńgeıden 96% joǵary. 7,1 trln teńge somasyndaǵy qoldaý shamamen 75 myń kompanııa men uıymdarǵa kórsetildi. Holdıngtiń kómegine ıe bolǵan kásiporyndardyń eksport kólemi 1,9 trln teńgege jetti. Bul 2024 jylǵy kórsetkishten eki ese kóp.
Jıynda agroónerkásip keshenin (AО́K) qoldaýǵa basa nazar aýdaryldy. Byltyr AО́K-ti qarjylandyrý 1,4 trln teńgeni qurap, ótken jylmen salystyrǵanda 31%-ǵa artty. Holdıngtiń kómegimen 11,5 myńnan astam aýyl sharýashylyǵy tehnıkasy satyp alyndy. Holdıng qyzmetiniń nátıjesinde 10 myńnan astam jańa jumys orny ashyldy.
Memleket basshysynyń Aqmola oblysyndaǵy egin jınaý naýqany máseleleri jónindegi jıynda bergen tapsyrmasyn oryndaý sheńberinde bıylǵy egis naýqanyn erte qarjylandyrý jumysy jalǵasyp jatyr. Dırektorlar keńesi «Agrarlyq nesıe korporasııasy» arqyly kóktemgi dala jáne egin jınaý jumystaryn qarjylandyrý maqsatynda 300 mlrd teńgege deıin oblıgasııalar shyǵarýdy maquldady. Sondaı-aq otandyq óndiristegi aýyl sharýashylyǵy tehnıkasynyń lızıngin 150 mlrd teńgege deıin qarjylandyrý «QazAgroQarjy» arqyly jáne áleýmettik osal toptar men kezekte turǵan azamattar úshin 100 mlrd teńgege deıin ıpotekalyq nesıeleýdi «Otbasy bank» arqyly júzege asyrý maquldandy.
Bıyl «Báıterek» holdıngi ekonomıka salalaryn qoldaýǵa 8 trln teńgege deıin qarjy baǵyttaýdy jos-parlap otyr. Basym baǵyttardyń qatarynda ónerkásip pen ınfraqurylymdy qarjylandyrý, agrosektordy qoldaý, eksportty damytý men halyqty qoljetimdi turǵyn úımen qamtamasyz etý bar.
Premer-mınıstr Oljas Bektenov ekonomıkanyń naqty sektoryn qoldaýdy odan ári kúsheıtýdiń, shıkizattyq emes salalardy damytýdyń jáne Holdıng quraldarynyń tıimdiligin qamtamasyz etýdiń mańyzdylyǵyn atap ótti. Jıyn qorytyndysynda byltyrǵy IV toqsanǵa arnalǵan táýekelder boıynsha konsolıdasııalyq esep, korporatıvtik basqarýdy jetildirý is-sharalary josparyn oryndaý nátıjeleri jáne Dırektorlar keńesiniń byltyrǵy qyzmetin baǵalaý nátıjeleri de bekitildi.
