Poıyzdarda joǵary jyldamdyqty ınternet iske qosyldy

10 ret

kórsetildi

2 mın

oqý úshin

Qazirgi tańda Qazaqstanda jolaýshylar poıyzdaryna joǵary jyldamdyqty ınternetti engizý jumystary jalǵasyp otyr. Bul joba spýtnıktik tehnologııalardy qoldaný arqyly júzege asyrylyp jatyr. Bastama elimizdegi «Sıfrlandyrý jáne jasandy ıntellekt jyly» men «Digital Naýryz» is-sharalarynyń aıasynda damyp keledi, dep habarlaıdy Egemen.kz.

Shyńǵys MUQAEV

Poıyzdarda joǵary jyldamdyqty ınternet iske qosyldy

Foto: Jasandy ıntellekt jáne sıfrlyq damý mınıstrligi

Bul qyzmet alǵash ret 2025 jyldyń qańtarynda Astana – Almaty baǵytynda qanatqaqty joba retinde iske qosylyp, jolaýshylar tarapynan úlken suranysqa ıe boldy. Keıinnen servıstiń aýqymy keńeıtilip, Astana - О́skemen baǵyty da qamtyldy. Qazirgi ýaqytta spýtnıktik ınternet atalǵan eki negizgi baǵytta qatynaıtyn Talgo poezdarynda qoljetimdi. Tehnologııalyq turǵydan bul júıe «Jusan Mobile» operatorynyń qatysýymen jáne «OneWeb» tómen orbıtaly spýtnıktik júıeleriniń kómegimen jumys isteıdi.

Depýtattar Taldyqorǵan - Tekeli arasynda jolaýshylar poıyzyn iske qosýdy usyndy

Jasandy ıntellekt jáne sıfrlyq damý mınıstrliginiń málimetinshe, spýtnıktik baılanystyń basty ereksheligi – onyń sıgnal sapasy temirjol boıyndaǵy jerústi munaralaryna táýeldi emes. Tómen orbıtaly spýtnıkter poıyz joǵary jyldamdyqpen qozǵalǵan kezdiń ózinde sıgnaldyń kidirissiz jáne turaqty bolýyn qamtamasyz etedi. Nátıjesinde jolaýshylar jol boıy 100 Mbıt/s deıingi jyldamdyqtaǵy ınternetti paıdalana alady. Bul jyldamdyq messendjerlerdi qoldanýǵa, vıdeolar kórýge jáne basqa da sıfrlyq qyzmetterdi esh kedergisiz tutynýǵa múmkindik beredi.

Jobany iske asyrý halyqaralyq tehnologııalyq kompanııalar men otandyq baılanys operatorlarynyń seriktestigi arqasynda múmkin boldy. Poıyzdarǵa ornatylǵan arnaıy jabdyqtar qozǵalys jaǵdaıynda jumys isteýge tolyq beıimdelgen jáne vagondardaǵy qoldanystaǵy mýltımedııalyq júıelermen ıntegrasııalanǵan.