О́tken aıda júregim syr berip, qan qysymym 200-den asty. Almaty oblysynyń Talǵar aýdandyq aýrýhanasyna aýyr halde tústim. Aq halatty abzal jandar eki jarym táýlik boıy qan qysymymdy qalypqa keltirý úshin jantalasty. Otyz shaqyrym jerdegi Almaty oblysyna qarasty kópsalaly klınıkalyq aýrýhanaǵa jetý muń bolyp, ajalmen arpalystym. Qudaı qarasyp, óz isine berilgen mamandardyń kómegimen úshinshi kúni degende Almaty oblystyq aýrýhanasyna jettim.
«Basy aýyrmaǵannyń Qudaımen isi joq» deıdi qazaq. Byltyr taǵy da júregim mazalap, Maıra Álimbetova basqaratyn oblystyq aýrýhanada eki tamyryma stent qoıǵyzyp, emdelip shyqqan edim. Sol kezdegi kóz tanystyqtyń sebebi bolar, kardıologııa bólimshesiniń meńgerýshisi Gúlzara Parhatova: «О́zimizdiń atamyz keldi», dep quraq ushyp qarsy aldy. Eki apta ishinde Gúlzara Abdýllaqyzynyń barlyq emdelýshige jasaǵan qamqorlyǵyn kózben kórdim. Emdeýshi dárigerim Ismat Arzymanova da maǵan óz qyzymdaı jaqsy qarap, qolynan kelgen kómegin aıanyp qalmady.
On eki músheniń bastysy – júrek syr berip, ony úzdiksiz soqtyryp turatyn IKD ımplantasııa-syn jasaý kerektigi anyqtalǵanda, ýaıymym qaıta kúsheıdi. Dese de, rentgenendovaskýlıarlyq hırýrgııa bólimshesiniń meńgerýshisi Arman Sadyqov, dáriger-arıtmolog Nurbolat Jamaıuly Bıgeldıev, dáriger Altaı Joldasbaı syndy bilikti mamandar IKD ımplantasııasyn da sátti jasap, ómirime tóngen qaýip bultyn seıiltti.
Túıindeı aıtqanda, aınaldyrǵan eki apta ishinde oblystyq aýrýhananyń basshy dárigerlerinen bas-tap, medbıke, sanıtarlarǵa deıin buqara aldyndaǵy mindetine jaýapkershilikpen qaraıtynyna kózim jetti. Osy oraıda Naýryz merekesi qarsańynda aq halatty abzal jandarǵa alǵys aıtyp, «Kóktemgi jylylyq barsha dárigerler qaýymynyń jandaryna shýaq quısyn!» degim keledi.
Birlik NURSAPAULY,
zeınetker
