Jetisý oblysynyń polısııa departamenti málimetinshe, jedel is-sharalar barysynda polıseıler baqylaý satyp alýyn júrgizip, kúdiktiden 5 gramnan astam esirtki satyp alǵan.
Keıin onyń turǵylyqty jerinde júrgizilgen tintý kezinde jasyl tústi, erekshe ıisi bar ósimdik tektes zat salynǵan alty polıetılen paket tabylyp, tárkilengen.
Sonymen qatar, úı aýlasyndaǵy saraıdan oralǵan iri qara paket anyqtalǵan. Onyń ishinde salmaǵy 5 keliden asatyn, gashıshke uqsas zat bolǵan.
Qazirgi ýaqytta atalǵan derek boıynsha sotqa deıingi tergeý júrgizilip, oqıǵanyń barlyq mán-jaıy anyqtalyp jatyr. Sot sheshimimen kúdiktige densaýlyq jaǵdaıyna baılanysty úıqamaq túrindegi bultartpaý sharasy tańdaldy.
Qoldanystaǵy zańnamaǵa sáıkes, esirtki zattaryn zańsyz satyp alý, saqtaý, tasymaldaý nemese satý 7 jyldan 12 jylǵa deıin bas bostandyǵynan aıyrý jáne múlkin tárkileýmen jazalanady.
Aqtóbe oblysynda esirtki bıznesin júrgizgender 17 jylǵa sottaldy
