Qyzylorda oblysynyń ákimi Azııa chempıonyn quttyqtady

QYZYLORDA. 13 mamyr. Qyzylorda oblysynyń ákimi Qyrymbek Kósherbaev erkin kúresten Azııa chempıony Dáýlet Nııazbekovti qabyldady. Syr eliniń týmasy jaqynda Katardyń Doha qalasynda ótken Azııa chempıonatynda altyn medal ıelenip, elimizdiń týyn kókke kóterdi. Bul týraly egemen.kz tilshisi habarlady. Dáýlet Nııazbekov 1989 jyly Jańaqorǵan aýdanynda týǵan. 10 jasynan kúrespen aınalysqan ol eresekter arasynda elimizdiń 5 dúrkin jeńimpazy, Azııa chempıonatynyń 2 márte qola júldegeri. Oblys ákimi Qyrymbek Kósherbaev D.Nııazbekovti jeńisimen quttyqtap, bul úlken jeńisterdiń bastamasy bolsyn dep tilegin aıtty. «Bıyl sportshylarymyz álemdik arenalarda kóptegen joǵary tabystarǵa qol jetkizýde. Sonyń bir dáleli – Dáýlettiń jeńisi. Syr jurtshylyǵy atynan Dáýlet inimizdi jeńisimen quttyqtap, aldaǵy baıraqty básekelerde táýelsiz elimizdiń kók týyn bıikke jelbirete berýin tileımin. Al biz óz tarapymyzdan barlyq jaǵdaı jasap, qoldaý kórsetýge daıynbyz», – degen aımaq basshysy balýanǵa qarjylaı syılyq tabys etti. О́z kezeginde Azııa chempıony D.Nııazbekov kórsetilip otyrǵan qurmetke alǵysyn bildirip, aldaǵy básekelerde jeńiske jetý úshin bar kúsh-jigerin aıamaıtyndyǵyn jetkizdi. Syr sportshylarynyń mundaı bıik belesterden kórinýi sportqa degen qoldaýdyń artyp otyrǵandyǵynyń dáleli. Qazirde aımaq halqynyń 24,5 paıyzy buqaralyq sportpen shuǵyldanady. Aıta keteıik, bıyl Qyzylorda qalasynda boks ortalyǵy men ıppodrom, Naǵı Ilııasov aýylynda stadıon men sport kesheni, Qazaly, Jańaqorǵan aýdandarynda dene shynyqtyrý-saýyqtyrý keshenderi halyq ıgiligine paıdalanýǵa beriledi. Qala ortalyǵynda 4 dúrkin Álem chempıony, 2 dúrkin Olımpıada chempıony Ilıa Ilın atyndaǵy aýyr atletıkadan sport kesheniniń qurylysy, sondaı-aq 3 myń oryndyq jabyq fýtbol maneji boı kóteredi. Erjan Baıtiles. Derek, sýret: egemen.kz.