Bıyl dástúrli merekelik format qazaq halqynyń mádenı murasyn zamanaýı sıfrlyq sheshimdermen ushtastyryp, turǵyndar men qonaqtarǵa múlde jańa formattaǵy merekelik tájirıbe syılady.
Jobanyń negizgi bóligi Digital Auil alańynda usynyldy. Jaǵalaýdyń 1,4 shaqyrym aýmaǵy tolyqtaı tegin Wi-Fi jelisimen qamtylyp, bul merekelik keńistikti jaı ǵana mádenı alań emes, ashyq sıfrlyq ortaǵa aınaldyrdy.
Merekeniń basty nysandarynyń biri arnaıy uıymdastyrylǵan VR-kıiz úı boldy. Vırtýaldy shynaıylyq kózildirikteri arqyly kelýshiler ınteraktıvti tarıhı saıahat jasap, ulttyq bolmysty sıfrlyq formatta tereńirek sezine aldy. Kıiz úı ishinde «Naýryzbaı» atty JI-avatar, al syrtqy alańda «Naýryzaı» atty JI-avatar jumys istedi. Astana qalasynyń sıfrlandyrý basqarmasymen birlesip ázirlengen sıfrlyq assıstentter qonaqtarǵa merekeniń tarıhy, mazmuny jáne baǵdarlamasy týraly keńes berdi.
Kelýshilerdiń erekshe qyzyǵýshylyǵyn týǵyzǵan taǵy bir aımaq - AR jáne AI tehnologııalaryna negizdelgen ınteraktıvti fotoaımaq. Munda qonaqtar ulttyq kıimderdi vırtýaldy túrde kıip kórip qana qoımaı, jasandy ıntellekt kómegimen Naýryz stılinde bezendirilgen, qazaqy naqyshtaǵy daıyn sıfrlyq fotosýretter ala aldy.
Merekeniń sporttyq bóliginde de sıfrlyq sheshimder keńinen qoldanyldy. Alǵash ret «Qoı kóterý», «Sadaq atý» jáne «Arqan tartý» jarystarynda tóreshilik jasaý prosesine kompıýterlik kórý jáne neırojeli tehnologııalary tartyldy. Júıe qatysýshylardyń qozǵalysyn naqty ýaqyt rejıminde taldap, jarystyń ashyqtyǵy men ádildigin qamtamasyz etti.
Sonymen qatar alańda óńirdiń birqatar sıfrlyq jobalary tanystyryldy. Úlken ekrandarda drondardyń biryńǵaı ınfraqurylymynyń jumysy tikeleı kórsetilip, onyń óńirlik basqarýdaǵy múmkindikteri usynyldy. Budan bólek, qonaqtarǵa telemedısına, robototehnıka jáne ózge de zamanaýı IT-sheshimder kórsetildi. Bul Digital Naýryzdyń tek merekelik emes, sonymen qatar óńirdiń tehnologııalyq áleýetin tanytatyn ashyq alańǵa aınalǵanyn kórsetti.
Aqmola oblysynyń sıfrlandyrý jáne arhıvter basqarmasy úshin bul bastamanyń negizgi maqsaty - zamanaýı tehnologııalardyń ulttyq dástúrlerge qarsy emes, qaıta olardy jańa formatta tolyqtyra alatynyn kórsetý. Digital Auil jobasy jasandy ıntellekt, tolyqtyrylǵan shynaıylyq, dron tehnologııalary jáne sıfrlyq servısterdiń mádenı ortada naqty qoldanylýyn aıqyn kórsetetin biregeı alań boldy.
Naýryz merekesine oraı ulttyq naqyshta bezendirilgen poıyzdar jolǵa shyqty
Merekelik is-shara aıasynda joba alańyna Aqmola oblysynyń ákimi Marat Muratuly Ahmetjanov arnaıy baryp, VR-kıiz úıdiń jumysymen, sıfrlyq sheshimdermen jáne óńirdiń tehnologııalyq jobalarymen tanysty. О́ńir basshysy mádenı ortaǵa joǵary tehnologııalardy engizýdiń, sondaı-aq halyqqa memlekettik jáne sıfrlyq servısterdiń qoljetimdiligin arttyrýdyń mańyzdylyǵyn atap ótti.
Shymkentte ótken «DamDastour» halyqaralyq festıvali Naýryzdyń jarqyn oqıǵasyna aınaldy
