Jalǵan sóz jarǵa jyǵady

Oral qalasynyń turǵyny Dına Ǵabbasova aldaýshynyń qurbany bolyp qala bere me? Redaksııaǵa joldaǵan shaǵym hatynda Oral qala­synyń turǵyny Dına Ǵabbasova ózin aldaýshynyń qurbany bolyp otyrǵanyn ashyna jazypty. Máseleniń mánisi mynada deýge bolady. Ol 2013 jyldyń basynda oblys ortalyǵyndaǵy «Arjan» lombardyna qyzmetke ornalasqan. Lombard turǵyndardyń altyn buıymdaryn kepildikke qoıyp, odan ýaqytsha aqsha ala turatyn oryn ekeni belgili. Osy aralyqta ol óziniń aıtýynsha lombard ıeleri tarapynan eshqandaı eskertý almaǵan. О́zine tapsyrylǵan isti adal atqarǵan. Árıne, adam altynyn lombardqa jetiskennen tapsyrmaıdy ǵoı. Bul qadamǵa qarjydan qıyndyq kórgen soń basqa isteıtin amalynyń joqtyǵynan barady. Osy tapshylyq tapsyrylǵan altyndy belgilengen kún jetken soń da aqshasyn tólep alýǵa áserin tıgizetini de bar. Osyndaı kezde Dına Ǵabbasovaǵa Gúlmıra Naýryzova esimdi klıent kezdese ketedi de odan syr tartqandaı bolady. Oıy men kóńilinde eshqandaı bóten oı joq jas qyz bolǵan jaǵdaıdy jasyrmaı aıtyp salady. Endeshe, men sol altyn buıymdardy satyp aqshasyn saǵan qaıtara alamyn dep Dınaǵa jelimdeı jabysa túsedi. Oǵan ýádeni úıip-tógip altynnan túsken aqshany qaıtaryp beretin kúndi aıtady. Imany betine tógilip turǵan perishte qyz oǵan senip qalady. Sóıtip, onyń aıt­qanyn oryndaıdy. Alaıda, lombard qyzmetkeri senim bildirgen adam ne altyndy, ne aqshany qaıtarmaı ýaqytty soza beredi. Jalǵan sóz jarǵa jyǵady degen osy da. Árıne, bul arada jany shyrqyrap «Egemenge» janaıqaıyn joldap otyrǵan Dına Ǵabbasovany da múldem aqtap alý qıyn-aq. О́ıtkeni, oǵan turǵyndar lombardqa tapsyrǵan altyndy óz qalaýynsha basqa bireýge berýge quqyq berilmegeni aıtpasa da túsinikti shyǵar. Ony aldaýshynyń qurǵan toryna qapııada túsip qalǵan Dınanyń ózi de moıyndap, barmaǵyn tistep otyr. Bul rette ol G.Naýryzova óziniń uıaly telefonyna joldaǵan ýáde túrdegi jazbalarǵa ǵana úmit artady. Munda lombard qyzmetkerin jalǵan sózine sendirip altyndy alyp ketken áıel joǵaryda kórsetilgen máseleniń bárin moınyna alǵan eken. Osylaısha, basyna qylmystyq is qozǵalý jónindegi qaýip tóngen hat ıesi 2014 jyldyń 29 jeltoqsany kúni óziniń quqyn qorǵaý úshin Batys Qazaqstan oblysynyń ishki ister departamentiniń bastyǵy Mahambet Abısatovtyń atyna shaǵym hat jazýǵa májbúr bolady. О́zgege emes bul únqatý naq polısııa organy basshysyna nege arnalǵan? Munyń mánisin Dına Ǵabbasova óz hatynda bylaısha túsindiredi. Onyń aıtýynsha Gúlmıra Naýryzova ishki ister organynyń qyzmetkeri Samat Naýryzovtyń zaıyby eken. Sonymen birge, D.Serikqyzy osy áńgime bastalyp ketkennen keıin ol óz áıelinen ajyrasqany jónindegi aqparat ta bar ekenin alǵa tartady. Bul kórinis materıaldyq jaýapkershilikten jaltarý úshin sanaly túrde jasalýy ábden múmkin ekenin qosa jazypty. Alaıda, ishki ister departamentiniń bastyǵy M.Abısatov tarapynan joldanǵan shaǵym hatqa qatysty jaýap kelmegen. Budan soń jábirlenýshi onyń atyna ekinshi ret hat jazyp G.Naýryzova ózinen alǵan altyndy 2014 jyldyń maýsym-qyrkúıek aılarynda qaladaǵy ózge lombardtarǵa tapsyrýy múmkin ekenin aıtyp osy iske tekserý júrgizýdi ótinip taǵy da hat joldaıdy. Oǵan da jaýap kelmegen. Ábden amaly quryǵan Dına Ǵabbasova 2015 jyldyń 28 qańtary kúni budan soń Oral qalasynyń prokýrory, ádilet keńesshisi Aıdyn Rashıdovtyń atyna shaǵym hat túsiredi. Munda ol ózinen basqa taǵy da úsh adam joǵaryda aty-jóni atalǵan jalǵan sózdi topan sýdaı qaptatyp, ótirikti shyndaı, shyndy qudaı urǵandaı jasaıtyn jannyń ústinen shaǵym jazǵanyn keltiripti. Aty-jónderin de ataǵan. Ári olardyń dál ózine jasalǵandaı jalǵan sóz saldarynan zábir kórip otyrǵanyn jetkizipti. Sondyqtan da, adamdardy aldaýǵa beıim turatyn adamnyń is-áreketine tıisti quqyqtyq baǵa berilýin suraǵan. Buǵan qosarymyz bizge Dına Ǵabbasova usynǵan qylmystyq isti qozǵaý jáne óz óndirisine alý týraly qaýlyda Oral qalalyq ishki ister bólimi, Abaı polısııa bólimshesi tergeý bóliminiń aǵa tergeýshisi, polısııa maıory G.Bısenova 2014 jyldyń maýsym aıynda belgisiz tulǵa «Arjan» lombardynyń qyzmetkeri D.Ǵabbasovanyń senimine kirip, birneshe altyn buıymdaryn alyp ketip, anyqtalmaǵan somaǵa materıaldyq zııan keltirip, oqıǵa bolǵan jerden boı tasalaǵanyn anyqtaǵany kórsetilgen. Budan soń onyń qaýly etkeni qosa jazylǵan. Munda bylaı delingen. Azamatsha D.Ǵabbasovanyń aryzy boıyn­sha QR qylmystyq kodeksi 177-baby, 1-bólimimen Qylmystyq is qozǵap, ony óz óndirisine alyp tergeý júrgizýge. Qaýly kóshirmesin Oral qalasynyń prokýratýrasyna joldaýǵa, qabyldanǵan sheshim týraly múddeli jaqtarǵa habarlaýǵa. Qylmystyq isti qozǵaý jáne ony óndiriske alý týraly qaýly 2014 jyldyń 11 qarashasy kúni alynǵan. Sóz joq, bul qujat «Egemenge» arnaıy hat jol­daǵan Dına Ǵabbasovanyń janaıqaıy negizsiz emes ekenin tanytady. Temir Qusaıyn, «Egemen Qazaqstan». ORAL.