Úsh qurama arasynda ótken týrnırde bizdiń jigitter ekinshi matchty Komor araldaryna qarsy ótkizip, 1.0 esebimen basym tústi. 4-mınýtta Ramazan Orazov enshisine gol jazyp, quramaǵa jeńis ákeldi.
– Bizge taǵy da gol soǵatyn múmkindik týdy, biraq ony múlt jiberdik. Qarsylastardy osal deýge áste kelmeıdi, bizben deńgeıles quramalar. Jańa maýsym aldynda tájirıbemizdi shyńdaýǵa oraıly týrnır boldy, – deıdi ulttyq qurama oıynshysy R.Orazov.
Ulttyq qurama oıynshylary alǵashqy matchta Namıbııa ulttyq quramasyn 2:0 esebimen jeńgen bolatyn. Tartysty oıynda Iаn Vorogovskıı 12-mınýtta esep ashyp, Álibek Qasym 79-mınýtta enshisine gol jazdy.
Bas bapker Talǵat Marýauly maýsymashar týrnırge qurama músheli tórt kózi túgel jınalǵanyn, oqý-jattyǵý jıyny josparǵa saı ótkenin aıtty. Afrıka qurlyǵynan kelgen qos quramaǵa qarsy tartysqa túsý artyq-kem tusty baǵamdaýǵa taptyrmas múmkindik ekenin jetkizdi.
– Bul eki quramanyń keı oıynshylary bizdiń ishki birinshilikte oınaıdy, jigitterdiń shama-sharqyn biledi. Fýtbolshylar ózderine júktelgen senimdi aqtaı bildi. Bizdiń basty mejemiz – Ulttar lıgasynda jeńiske jetý. El chempıonaty endi bastaldy, ár týrdaǵy oıyndy saralap, qurama qataryn tolyqtyramyz. Maýsym aıyna josparlanǵan joldastyq match qarsańynda ulttyq komandanyń quramy taǵy bir saralanady. Qyrkúıekte tórt birdeı resmı matchtyń jaýapkershiligi zor, – dedi bas bapker.
Bilikti maman ulttyq quramada býyn almasý kezeńi júretindikten tájirıbeli oıynshylar men jastardy toqaılastyryp, qatar shyńdap, oıynnyń úılesim tabýyna kúsh salynatynyn da atap ótti.
