- Mysyrdyń astanasy Kaırde sporttyq gımnastıkadan Álem kýboginiń tórtinshi kezeńi aıaqtaldy. Irikteý synynyń qorytyndysy boıynsha Narıman Qurbanov, Zeınolla Ydyrysov, Altynhan Temirbek fınalǵa joldama aldy. Alǵashqy ekeýi «atta», sońǵysy erkin jattyǵýda óner kórsetti. Nátıjesinde, Zeınolla kúmis alsa, Narıman qola medaldy enshiledi. Altynhan altynshy orynda qalyp qoıdy.
- Aýstrııa kýboginde elimizdiń ústel tennısshileri tabysty óner kórsetti. «Shtokkeraý» klýby sapynda Aıdos Kenjeǵulov jarys jeńimpazy atansa, onyń inisi Dastan «Baden» klýbynyń quramynda qola júldege ıe boldy.
- О́tken aptanyń aıaǵynda elimizdiń úsh birdeı kásipqoı boksshysy Taılandtyń bas shahary Bangkokta ózderiniń kezekti jekpe-jekterin ótkizdi. Jartylaı orta salmaqtaǵy Rýslan Mádıev fransııalyq Floran Dervıdi aıqyn basymdyqpen jeńip, WBA Asia nusqasy boıynsha chempıondyq ataǵyn saqtap qaldy. Armat Armanuly túrkııalyq Kenan Gıýzeldi uryp jyqty. Bul básekeniń ekeýi de jetinshi raýndta aıaqtaldy. Al Samatáli Tóltaevqa vetnamdyq Hong Kýan Dındi oısyrata utý úshin alty raýnd jetkilikti boldy.
- Osyǵan deıin Úndistandaǵy tennısshiler týrnırinde eki ret bas júldeni oljalaǵan Jibek Qulambaeva kúni keshe úshinshi tıtýlyna qol jetkizdi. Ekaterına Iаshınamen jup qurǵan qazaq qyzy ITF W15 dodasynyń jeńimpazy atandy. Fınalda olar Aleksandra Kýparev (Germanııa) pen Sevıl Iýldashevany (О́zbekstan) 6:1, 6:4 esebimen eńserdi.
- Balı araldarynda (Indonezııa) Azııanyń badmınton federasııasynyń esep berý konferensııasy ótti. Jıyn barysynda ótken jyldyń eń úzdik sportshylary marapatttaldy. Solardyń qatarynda otandastarymyz da bar. Atap aıtsaq, Dmıtrıı Panarın «Asia Olympic Project» baǵdarlamasy boıynsha teńdessiz dep tanylsa, ulttyq komandamyzdyń bas bapkeri Asqar Ormanov eń tabysty jattyqtyrýshylardyń biri retinde arnaıy syılyqqa ıe boldy.
- Fýtboldan elimizdiń Premer-lıgasynyń 4-týrynda kópshiliktiń qyzyǵýshylyǵyn týdyrǵan basty báseke «Qaırat» pen «Astana» arasynda ótti. Bul matchta barlyq másele birinshi taımda sheshildi. Almatylyqtar qarsylastar qaqpasyna jaýapsyz tórt dop soqty – 4:0. Gol avtorlary – Jorjıno (dýbl), Dastan Sátpaev, Aleksandr Martynovıch. Úzilisten keıin tablodaǵy esep ózgergen joq. О́zge oıyndardyń nátıjeleri mynadaı: «Ertis» – «Altaı» 1:0, «Elimaı» – «Tobyl» 1:0, «Qaısar» – «Qyzyljar» 0:0, «Ordabasy» – «Atyraý» 1:1, «Ulytaý» – «Aqtóbe» 1:1, «Kaspıı» – «Jetisý» 0:1, «Jeńis» – «Oqjetpes» 1:1.
