Foto: Ashyq derekkóz
Túrkistan oblysynda kún raıy turaqsyz bolady. О́ńirde naızaǵaı oınap, burshaq jaýady, jeldiń ekpini 15-20 m/s jetedi. Taýly aýdandarda nóser jańbyr kútiledi. Shymkent pen Túrkistan qalalarynda da jel kúsheıip, joǵary órt qaýpi saqtalady.
Jetisý oblysynda Alakól mańynda jeldiń jyldamdyǵy erekshe kúsheıip, 30 m/s jáne odan da joǵary bolýy yqtımal. Oblystyń soltústigi men shyǵysynda jel ekpini 15-20 m/s bolady. Taldyqorǵanda da órt qaýpi joǵary deńgeıde saqtalady.
Almaty oblysynyń taýly aımaqtarynda kúndiz naızaǵaı oınaıdy, jel ekpini 15-20 m/s-qa jetedi. Almaty jáne Qonaev qalalarynda joǵary órt qaýpi saqtalady. Medeý men Bostandyq aýdandarynda da osyndaı qubylystar kútiledi.
Qyzylorda oblysynyń ońtústigi men ortalyǵynda naızaǵaı, burshaq jáne ekpindi jel boljanǵan. Jel baǵyty aýysyp, ekpini 15-20 m/s-qa deıin jetedi. Qyzylorda qalasynda kúndiz naızaǵaıly burshaq bolýy múmkin.
Ulytaý oblysynyń batysy, soltústigi jáne ońtústiginde jańbyr men naızaǵaı kútiledi. Túnde jáne tańerteń tuman túsedi. Jezqazǵan qalasynda da osyndaı aýa raıy qalyptasady.
Qaraǵandy oblysynyń soltústik-batysynda kúndiz naızaǵaı oınaıdy, al ózge óńirlerde tuman túsedi. Qaraǵandy qalasynda túngi jáne tańǵy ýaqyttarda tuman baıqalady.
Mańǵystaý oblysynda túnde jáne tańerteń tuman túsip, jeldiń ekpini 15-20 m/s bolady.
Abaı oblysynda jáne Semeı qalasynda da túnde jáne tańerteń tuman kútiledi.
Batys Qazaqstan oblysynda tuman túsip, kúndiz jeldiń ekpini 15-20 m/s-qa deıin kúsheıedi. Oral qalasynda da osyǵan uqsas jaǵdaı saqtalady.
Qostanaı oblysynda jańbyr jaýyp, naızaǵaı oınaıdy, keı jerlerde tuman túsedi. Jel ekpini 15-20 m/s-qa jetedi. Qostanaı qalasynda túnde naızaǵaı kútiledi.
Jambyl oblysynyń taýly aýdandarynda jańbyr, naızaǵaı jáne tuman bolady. Jeldiń jyldamdyǵy 15-20 m/s-qa jetedi. Tarazda túnde jáne tańerteń tuman baıqalady.
Aqtóbe oblysynda túnde birneshe aýdanda naızaǵaı jarqyldap, jel ekpini 15-20 m/s bolady. Aqtóbe qalasynda jeldiń jyldamdyǵy 15-18 m/s-qa jetedi.
Shyǵys Qazaqstan oblysynda jáne О́skemen qalasynda túngi jáne tańǵy tuman kútiledi. Sonymen qatar óńirde birinshi dárejeli qolaısyz meteorologııalyq jaǵdaı (NMÝ) jarııalanǵan.
Aqmola oblysynda kúndiz batysy men soltústiginde jańbyr men naızaǵaı bolady. Túnde jáne tańerteń tuman túsip, jel ekpini 15-20 m/s-qa jetedi.
Pavlodar oblysynyń birqatar bóliginde tuman kútiledi.
Soltústik Qazaqstan oblysynda jańbyr men naızaǵaı boljanyp otyr. Keı óńirlerde tuman túsip, jeldiń ekpini 15-20 m/s-qa deıin kúsheıedi. Petropavl qalasynda kúndiz naızaǵaı, túnde jáne tańerteń tuman baıqalady.
Sınoptıkter turǵyndardy aýa raıynyń qubylýyna baılanysty saqtyq sharalaryn kúsheıtip, alys jolǵa shyqqanda muqııat bolýǵa shaqyrady.
Nóser jańbyr men daýyl: Birqatar óńirde aýa raıyna baılanysty eskertý jarııalandy
