Foto: QMA
Qaskóıler uıaly baılanys operatorlary bazalyq stansııalarynyń jumysynda qoldanylatyn SMS-blasterdi paıdalanǵan. Bul qurylǵy paıdalanýshylarǵa jaqyn mańda, ıaǵnı 300 metr radıýsta kúshti sıgnal taratyp, telefondardyń avtomatty túrde soǵan qosylyp, qorǵanysy álsiz jelige aýysýyna sebep bolǵan.
Nátıjesinde abonentterdiń telefondaryna birden jalǵan SMS-habarlamalar kelgen. Bul qurylǵy baılanys operatorlarynyń qorǵanysyn aınalyp ótip, saǵatyna 100 myńǵa deıin habarlama taratýǵa múmkindik bergen. Aýqymdy keńeıtý jáne jasyryn áreket etý maqsatynda jabdyq avtokólikterge ornatylyp, qozǵalys barysynda, negizinen adamdar kóp shoǵyrlanatyn oryndarda – bazarlarda jáne saýda-oıyn-saýyq ortalyqtarynyń mańynda paıdalanylǵan.
Bıbigúl Jeksenbaı: Alaıaqtyqtan zardap shekkenderdi qorǵaý júıesinde olqylyqtar kóp
Habarlamalar «Beeline» jáne «Halyk Bank» kompanııalary atynan jiberilgendeı kórinip, jınalǵan bonýstardy aıyrbastaý usynylǵan. Siltemege ótken jaǵdaıda paıdalanýshylar fıshıngtik saıttarǵa túsip, taýar tańdaǵannan keıin jeke derekterin, sonyń ishinde telefon nómirin, aty-jónin, bank kartasynyń derektemelerin, CVV-kodyn, sondaı-aq SMS arqyly kelgen rastaý kodyn engizýge májbúr bolǵan.
Osylaısha, qaskóıler azamattardyń qupııa aqparaty men banktik qarajatyna qol jetkizgen.
Alaıaqtyqtyń jańa tásili tarady: Qaskúnemder daýysyn ózgertip, senimge kiredi
Jedel-izdestirý is-sharalarynyń nátıjesinde qylmystyq top shemany júzege asyrýdyń bastapqy kezeńinde anyqtalyp, ustaldy. Bul azamattardyń aýqymdy aldanýy men eleýli qarjylyq shyǵyndarynyń aldyn alýǵa múmkindik berdi.
Qazir tórt kúdikti ustalyp, qamaýǵa alynyp, tergeý jalǵasyp jatyr. Aıta keteıik, TMD elderi aýmaǵynda osyndaı shemanyń joly alǵash ret kesilgen.
