Foto: Úkimet, telegram
Mınıstrdiń aıtýynsha, 2026 jyldyń qańtar-naýryz aılarynda munaı men gaz kondensatyn óndirý kólemi 19,7 mln tonna bolyp, ótken jyldyń sáıkes kezeńimen salystyrǵanda 80,2% quraǵan. Al osy kezeńdegi munaı eksporty 15,3 mln tonna deńgeıinde qalyptasyp, 2025 jyldyń uqsas merzimimen salystyrǵanda 78,5% bolǵan. Jalpy, 2026 jylǵa arnalǵan eksport boljamy 76 mln tonna kóleminde.
Iri ken oryndarynyń biri Qarashyǵanaq boıynsha óndiristi turaqtandyrý sharalary qolǵa alynǵan. Atap aıtqanda, munaı óndirýdi jylyna 10-11 mln tonna deńgeıinde ustap turý úshin shıki gazdy keri aıdaıtyn 6-nshy kompressordy iske qosý jumystary jalǵasyp otyr. Sonymen qatar iri jer qoınaýyn paıdalanýshylarmen munaı óndirý kólemin arttyrý jóninde kelissózder júrgizilip jatyr.
Gaz salasynda da ósim bar. Jyl basynan beri elimizde 13,6 mlrd tekshe metr gaz óndirilip, bul ótken jyldyń sáıkes kezeńimen salystyrǵanda 84,9% quraǵan. Al jyldyq boljam 62,7 mlrd tekshe metr deńgeıinde josparlanyp otyr.
I toqsandaǵy ekonomıkalyq ósimdi óńdeý, qurylys, kólik jáne saýda salalary qamtamasyz etti
Mınıstrdiń sózinshe, salanyń uzaq merzimdi damýyna erekshe mán berilip otyr.
«Gaz salasynyń uzaq merzimdi resýrstyq bazasyn nyǵaıtý jáne eldiń energetıkalyq qaýipsizdigin qamtamasyz etý maqsatynda mınıstrlik «Samuryq-Qazyna» qorymen birlesip 2035 jylǵa deıin elimizde kómirsýtekterdiń jańa perspektıvaly ken oryndaryn ıgerý josparyn júzege asyrýda, oǵan sáıkes osy jyldyń sońyna deıin Qashaǵanda qýaty 1 mlrd tekshe metr bolatyn MО́Z qurylysyn aıaqtaý josparlanyp otyr», dedi Erlan Aqkenjenov.
Osylaısha, Qashaǵan ken ornynda jańa gaz óńdeý zaýytynyń iske qosylýy eldiń gaz óńdeý áleýetin arttyryp, ishki naryqty turaqty qamtamasyz etýge múmkindik beredi. Jalpy, qolǵa alynǵan jobalar Qazaqstannyń munaı-gaz salasyn jańa deńgeıge kóterýge baǵyttalǵan.
Oljas Bektenov: Áleýmettik qamsyzdandyrýdyń ádiletti júıesin qalyptastyrý qajet
