Foto: Ashyq derekkóz
Bul týraly Úkimet kýlýarynda Ulttyq ekonomıka birinshi vıse-mınıstri Azamat Ámrın málimdedi. Onyń aıtýynsha, bastama halyq tabysyn arttyrýǵa arnalǵan keshendi baǵdarlama aıasynda qarastyrylyp jatyr. Qazir Qazaqstanda eń tómengi jalaqy 85 myń teńgeni quraıdy. Al halyqaralyq tájirıbede eń tómengi jalaqy kóbine medıanalyq jalaqynyń 50%-yna teń bolady. Qazaqstandaǵy medıanalyq jalaqy shamamen 302 myń teńge deńgeıinde eken. Osyǵan sáıkes, eń tómengi jalaqyny 150 myń teńgege deıin jetkizý negizgi mindetterdiń biri retinde belgilengen.
Májilis eń tómengi jalaqyǵa qatysty konvensııany ratıfıkasııalady
Sonymen qatar, bul sheshimniń qashan qabyldanatyny bıýdjet múmkindikterine baılanysty bolmaq. Vıse-mınıstrdiń aıtýynsha, másele keshendi ári kúrdeli bolǵandyqtan, júzege asý merzimi ázirge naqtylanbaǵan.
Keshendi baǵdarlama sheńberinde bızneske qoldaý kórsetý sharalary da qarastyrylǵan. Búginde kásipkerler úshin basty másele – uzaq merzimdi ári qoljetimdi qarjynyń tapshylyǵy. Qazirgi tańda bazalyq mólsherleme 18% deńgeıinde tur. Osyǵan baılanysty memleket bankter arqyly beriletin nesıelerdi sýbsıdııalap, kepildik berý tetikterin iske qosyp otyr. Nátıjesinde nesıe qunyn 12%-ǵa deıin tómendetý kózdelgen, bul óz kezeginde jańa jumys oryndaryn ashýǵa jáne jańa jobalardy júzege asyrýǵa múmkindik beredi.
Buǵan deıin atalǵan baǵdarlama boıynsha bıýdjet salasy qyzmetkerleriniń jalaqysyn arttyrý máselesin engizý múmkindigi de aıtylǵan. Naqty usynystardy mamyr aıynda tanystyrý josparlanyp otyr.
Qazaqstanda 2026 jyldan bastap eń tómengi jalaqy mólsheri artady
