Vladıslav KOSAREV,
Parlament Májilisindegi «Halyqtyq kommýnıster» depýtattyq fraksııasynyń jetekshisi:
– Kommýnıstik partııa atalǵan sheshimdi tolyqtaı qoldaıdy. Eldegi basty saılaý naýqanyna aldyn ala daıyndyq jasaý aǵymdaǵy áleýmettik-ekonomıkalyq saıasattyń kókeıkesti máselelerin sheshýge den qoıýǵa múmkindik beredi.
Buǵan qosarym, Qazaqstan halqy Assambleıasy Keńesiniń bastamasy kókeıkestiligimen jáne der kezinde kóterilýimen erekshelenedi. Bul oraıda, Qazaqstan Prezıdenti Nursultan Nazarbaev qabyldaǵan ústimizdegi jyldyń 26 sáýirinde kezekten tys prezıdenttik saılaý ótkizý týraly sheshimniń de mańyzdylyǵyn atap kórsetken jón.
Azat PERÝAShEV,
Parlament Májilisiniń depýtaty, Qazaqstannyń «Aq jol» demokratııalyq partııasynyń tóraǵasy:
– Álemdik qarjy-ekonomıkalyq turaqsyzdyq jaǵdaıynda bizge judyryqtaı jumylyp, barlyq kúsh-jigerimizdi álemdik daǵdarystyń el ekonomıkasyna teris yqpalyn eńserý jolynda jumsaǵanymyz mańyzdy.
Qalyptasqan jaǵdaıda Qazaqstanǵa salmaqty jáne, birinshi kezekte, ulttyq múddege baǵdarlanǵan saıasat júrgizý asa qajet. Osy sebepterge baılanysty bizdiń partııa Elbasy Nursultan Nazarbaevtyń aldaǵy 26 sáýirde kezekten tys prezıdenttik saılaý ótkizý týraly sheshimin tolyqtaı qoldaıdy.
Ǵanı QASYMOV,
Qazaqstan Patrıottary partııasynyń tóraǵasy:
– «Qazaqstan Patrıottarynyń partııasy» Memleket basshysy Nursultan Nazarbaevtyń 2015 jyly kezekten tys prezıdenttik saılaý ótkizý týraly sheshimine qoldaý bildiredi. Atalǵan máseleniń ózektiligi qalyptasqan kúrdeli halyqaralyq jaǵdaıǵa baılanysty áldeneshe ese arta túsedi. Qazirgi kezde álemniń túkpir-túkpirinde týrbýlentti, ıaǵnı terbelisti jaǵdaılar ýshyǵa túsip otyr. Osy sebepti biz óz Otanymyzdyń qaýipsizdigin qamtamasyz etýge kúsh salýymyz kerek. Taǵy da qaıtalap aıtaıyn, búgingideı halyqaralyq kúrdeli kezeńde munyń mańyzy óte zor.
Serik SULTANǴALI,
«Birlik» saıası partııasynyń tóraǵasy:
– Qazaqstan Respýblıkasynyń azamaty, «Birlik» saıası partııasynyń jetekshisi retinde men Memleket basshysy Nursultan Nazarbaevtyń kezekten tys prezıdenttik saılaý ótkizý týraly sheshimin tolyqtaı qoldaımyn. Qazaqstannyń kópultty halqynyń tynyshtyǵy men birligi – biz saqtaýǵa tıisti nómiri birinshi másele.
Ekinshi másele, qarjy-ekonomıkalyq daǵdarysqa baılanysty. Mundaıdy aldyn ala boljaǵan Memleket basshysynyń О́kimimen Ulttyq qor qurylsa, búginde ol qalyptasqan jaǵdaıdan kóp qınalmaı shyǵýǵa múmkindik beretin qaýipsizdik «jastyqshasy» bolyp tabylady. Qysqasy, barlyǵy da tynyshtyq pen beıbitshilik úshin jasalyp jatqan sharýalar.
Erlan SYDYQOV,
L.N.Gýmılev atyndaǵy EUÝ rektory:
Syrtqy syn-qaterlerge tótep berý úshin barlyq memlekettik organdar, ǵylymı uıymdar jáne barsha halyq qabyldanǵan josparlar men baǵdarlamalardy júzege asyrý jolynda toptasyp, kúsh biriktirýi kerek. Biz ǵylymı orta ókilderi men stýdentter qaýymy qabyldanǵan sheshimdi tolyq qoldaıtynymyzdy jarııa etemiz.
Iаǵnı, Elbasynyń kezekten tys prezıdenttik saılaý ótkizý jónindegi sheshimin elimizdiń ǵylymı orta ókilderi tolyqtaı qoldaıdy degen sóz. El Prezıdentiniń sheshimi halyqtyń múddesinen týyndap otyr. Sondyqtan ony júzege asyrý turaqty damý ústindegi ekonomıkasy kúshti memlekettiń mańyzdy qadamy bolady dep senemiz.
Endrıý KAChINS,
AQSh-tyń Strategııalyq jáne halyqaralyq zertteýler ortalyǵynyń dırektory:
– Men Qazaqstan Prezıdentiniń kezekten tys prezıdenttik saılaýdy bıyl ótkizý týraly sheshimin durys dep esepteımin. О́ıtkeni, ózderińiz qarańyzdar, el tóńireginde jáne tutastaı Eýrazııa óńirinde mıǵa qonbaıtyn oqıǵalar oryn alyp jatyr. Reseı men Ýkraınadaǵy jaǵdaı, sondaı-aq, munaıǵa álemdik baǵanyń tómendeýi ekonomıkaǵa teris yqpal etýde.
Osy turǵydan kelgende, Qazaqstan turaqtylyqty, ósý men damýdy qamtamasyz ete bildi. Sondyqtan kezekten tys prezıdenttik saılaý ótkizý merzimin taǵaıyndaý – óte durys sheshim.
Alessandro LÝNDINI,
Italııa joǵary geosaıası zertteýler ınstıtýtynyń ǵylymı qyzmetkeri:
– Is júzinde qazirgi kezde eldiń saıası jáne ekonomıkalyq turaqtylyǵyn kepildendirý qajettigi baıqalady. Bul kezeń, geosaıasat turǵysynan kelgende, óte kúrdeli jáne Qazaqstan úshin ózge elderde bolyp jatqandaı túrli aýyrtpalyqtarǵa sebep bolýy yqtımal.
Sondyqtan kezekten tys prezıdenttik saılaýdy bıyl ótkizý týraly sheshim elge ol muqtaj bolyp otyrǵan turaqtylyq kepildigin bere alady ǵoı dep oılaımyn. Osyǵan sáıkes, Qazaqstan qalyptasqan kúrdeli kezeńdi eńseretini kúmánsiz. Buǵan qosa, qabyldanǵan barlyq baǵdarlamalar tabysty aıaqtalady deýge tolyq negiz bar.
