Memleket basshysy Uıymmen yqpaldastyqtyń jańa ári sapaly deńgeıge kóterilgenine toqtalyp, sondaı-aq elimizdiń jahandyq bastamalaryna udaıy qoldaý kórsetip kele jatqany úshin rızashylyǵyn bildirdi.
Kezdesýde klımat pen densaýlyq saqtaý baǵytynda birlesken zertteýler júrgizý, sıfrlyq transformasııaǵa arnalǵan bastamalardy ilgeriletý jáne densaýlyq saqtaý salasyna jasandy ıntellektini engizý máseleleri qarastyryldy.
Tedros Adhanom Gebreıesýs Qasym-Jomart Toqaevqa О́ńirlik ekologııalyq sammıtke qatysýǵa shaqyrǵany úshin alǵys aıtty.
DDU basshysy Qazaqstanda jańa Konstıtýsııa qabyldaý arqyly saıası reformalar men ekonomıkalyq órleýdiń tabysty iske asyrylyp jatqanyn atap ótti.
Onyń aıtýynsha, Uıym Qazaqstannyń óńirlik jáne jahandyq deńgeıde ekologııa men sý qaýipsizdigin qamtamasyz etýge baǵyttalǵan kúsh-jigerin qoldaıdy.
Kezdesý sońynda Bas dırektor Memleket basshysyna Uıymnyń elimizge dárilik zattardyń aınalymyn retteý salasyn jetildirý boıynsha 3-shi deńgeı berilgenin rastaıtyn hatty tabystady. Bul ulttyq baqylaý júıesiniń senimdiligin kórsetedi.
Qazaqstan mundaı dárejege TMD elderi arasynda birinshi, al Eýropa aımaǵynda tórtinshi bolyp qol jetkizgen.
