Qaıǵyly oqıǵa 2026 jylǵy 23 qańtarda bolǵan. Alǵashynda Qurlyq áskerleri qolbasshylyǵy sarbaz qaraýyl kezinde jeke qarýdan atylǵan oqtan qaza tapqanyn aıtyp, bul jaǵdaıdy jazataıym oqıǵa retinde baǵalaǵan edi.
Alaıda keıingi tergeý nátıjeleri oqıǵanyń mán-jaıyn ózgeshe kórsetken.
Bas áskerı prokýratýranyń málimetinshe, batalon komandıri men vzvod komandıri sarbazdarǵa qatysty jarǵyǵa qaıshy qarym-qatynas jasap, psıhologııalyq qysym kórsetken. Sondaı-aq vzvod komandıri qarýdyń saqtalýyn tıisti deńgeıde baqylamaǵany anyqtalǵan.
«Oqıǵanyń sebepteri men barlyq mán-jaıy anyqtaldy. Birneshe epızod boıynsha bılikti asyra paıdalaný jáne qyzmetke salǵyrt qaraý derekterimen qylmystyq is sotqa jiberildi», dep habarlady prokýratýra.
Tergeý qorytyndysy boıynsha bólim komandıri men onyń eki orynbasary qyzmetinen bosatyldy. Sonymen qatar taǵy toǵyz ofıser tártiptik jaýapkershilikke tartylǵan.
