Foto: Sý resýrstary jáne ırrıgasııa mınıstrligi
Sý resýrstary jáne ırrıgasııa mınıstri Nurjan Nurjigitov jobanyń avtorymen jáne oǵan jetekshilik etken pedagogtermen kezdesti. Kezdesý qorytyndysynda «Sý resýrstarynyń aqparattyq-taldaý ortalyǵy» KEAQ pen oqýshynyń ata-anasy arasynda «Sý izi» platformasyn birlesip jetildirý jáne engizý týraly kelisim jasaldy. Qujat ınteraktıvti júıeni damytýǵa baǵyttalǵan naqty qadamdardy kózdeıdi.
Platformadaǵy esepteýler qoldanýshylardyń kúndelikti daǵdylary negizinde júrgiziledi. Turmysta jáne tamaqtaný barysynda tikeleı paıdalanylatyn sý ǵana emes, janama tutyný da esepke alynady. Júıe engizilgen derekterdi avtomatty túrde taldap, sý únemdeýdiń tıimdi joldaryn usynady. Bul – ár adamnyń óz ádetin qaıta qarap, resýrsty utymdy paıdalanýǵa kóshýine yqpal etetin qural.
Jobanyń teń avtory, osy mekteptiń 10-synyp oqýshysy Adııat Shadııar da bastamany tolyqtyra tústi. Ol balalar arasynda sý únemdeý mádenıetin qalyptastyrýǵa arnalǵan qysqametrajdy beınerolıkter serııasyn usyndy. Rolıkterde «Tamshy» anımasııalyq keıipkeri arqyly sýdy únemdeýdiń qarapaıym ári tıimdi tásilderi túsindiriledi.
Sý resýrstaryn basqarý salasyn sıfrlandyrý tetikteri qaraldy
Sonymen qatar Sý resýrstarynyń aqparattyq-taldaý ortalyǵy men oqýshynyń ata-anasy atalǵan aqparattyq materıaldardy birlesip taratý týraly kelisimge qol qoıdy. Bul bastama aǵartýshylyq jumystyń aýqymyn keńeıtýge múmkindik beredi.
Mınıstr Nurjan Nurjigitov oqýshylardyń eńbegine joǵary baǵa berip, pedagogter men ata-analardyń úlesin erekshe atap ótti.
«Bizdiń aldymyzda turǵan mindetterdiń biri – sýdy únemdeý mádenıetin qalyptastyrý arqyly qoǵamnyń sý resýrstaryna degen kózqarasyn ózgertý. 2024 jyldan bastap «Sýdy únemde – bolashaqty saqta» jobasy júzege asyrylyp keledi. Mektepterde, kolledjderde jáne joǵary oqý oryndarynda ekosaǵattar ótýde. Ortaq kúsh-jigerdiń arqasynda sý resýrstaryn utymdy paıdalaný mádenıetin qalyptastyramyz dep senemin», dedi vedomstvo basshysy.
Aıta keteıik, byltyr mınıstrlik Almaty qalasyndaǵy №79 gımnazııa oqýshysy Dana Qadyrbekpen memorandým jasasqan edi. Ol zamanaýı nanomaterıaldar arqyly atmosferadan sý jınaıtyn qurylǵy ázirlegen. Jas ónertapqysh jýyrda Venada ótken BUU forýmynda úzdik jobalar qatarynan kórinip, úzdik úshtikke endi.
GIZ Qazaqstannyń Sý resýrstary jáne ırrıgasııa mınıstrligine 240 jańa tehnıka beredi
