Foto: Depositphotos.com
Densaýlyq saqtaý mınıstrliginiń málimetinshe, bul bastama jas dárigerlerdiń naýqastarmen erterek jumys isteýine múmkindik berip, olardyń klınıkalyq tájirıbesin kúsheıtýge baǵyttalǵan. Qazirgi ýaqytta tıisti zań jobasy Májiliste talqylanyp jatyr.
Jańa tártipke sáıkes, 2022 jyldan keıin oqýǵa túsken stýdentter ınternatýrany aıaqtaǵan soń alty negizgi baǵyt boıynsha jumys isteı alady. Olar – jalpy dárigerlik praktıka, terapııa, pedıatrııa, hırýrgııa, akýsherlik jáne gınekologııa, sondaı-aq balalar hırýrgııasy.
Al 2022 jylǵa deıin oqýǵa túsken stýdentter úshin burynǵy talaptar saqtalady – olar qoldanystaǵy baǵdarlamalar boıynsha oqýdy aıaqtaıdy.
Oqýshylar medısınalyq kómeksiz qalǵan: Jetisý oblysynda mektepter tekserildi
Mınıstrlik ókilderi bul reformanyń qajettiligin qoldanystaǵy daıyndyq júıesiniń shekteýlerimen túsindirdi. Qazirgi modelde oqý uzaqtyǵy 6 jyldy quraǵanymen, tájirıbelik daıyndyq deńgeıi jetkiliksiz degen másele bar. Sonymen qatar, túlekter rezıdentýradan ótpeıinshe dáriger retinde jumysqa kirise almaıdy, al rezıdentýra grant sany shekteýli bolǵandyqtan, bul jaǵdaı túlekterdiń bir bóliginiń eńbek naryǵyna birden shyǵýyna kedergi keltiredi.
Osyǵan baılanysty jańa modelde ınternatýranyń róli kúsheıtiledi. Ol endi formaldy kezeń emes, naǵyz klınıkalyq praktıkaǵa aınalady: ınternder dárigerdiń jetekshiligimen naýqastardy emdeýge qatysyp, medısınalyq aqparattyq júıelerge qol jetkizedi jáne eńbekaqy alady.
Rezıdentýra saqtalǵanymen, onyń qyzmeti ózgeredi – ol tar baǵyttaǵy mamandaný kezeńine aınalady.
Bul ózgerister dárigerdiń kásibı damýyn júıelendirip, jas mamandardyń densaýlyq saqtaý salasyna erterek kelýine jol ashady. Sondaı-aq alǵashqy medısınalyq-sanıtarlyq kómek pen óńirlerdegi kadr tapshylyǵyn azaıtýǵa yqpal etedi.
Almatydaǵy medısınalyq mekeme naýqastardyń densaýlyǵyna qaýip tóndiretin qurylǵylardy paıdalanǵan
