Premer-mınıstr ótken jylý berý maýsymy asa bir qaýipti apattyq jaǵdaılarsyz aıaqtalǵanyn atap ótti. Elektr stansalaryndaǵy tehnologııalyq buzýshylyqtar sany byltyrmen salystyrǵanda 15%-ǵa azaıdy.
17 myń MVt elektr energııasy óndirilip, tarıhı eń joǵary deńgeıge qol jetkizildi. Bul – ótken jylytý kezeńimen salystyrǵanda 7%-ǵa joǵary.
«Atalǵan faktiler ótken qys mezgiline daıyndyq jumystarynyń edáýir joǵary bolǵanyn bildiredi Memleket basshysy halyqqa Joldaýynda energetıkalyq ınfraqurylymdy jáne kommýnaldyq sharýashylyqty jańǵyrtý mindetin qoıdy. «Tarıfti ınvestısııaǵa aıyrbastaý» baǵdarlamasy aıasynda bıyl elektr stansalaryn jóndeý jáne jańǵyrtý jumystaryna shamamen 384 mlrd teńge qaralǵan, bul ótken jylmen salystyrǵanda 9%-ǵa kóp. Sondaı-aq elimizdiń energetıkalyq ınfraqurylymyn jańǵyrtý jónindegi ulttyq joba qarqyndy júzege asyrylyp jatyr. Tek bıyldyń ózinde 130 shaqyrym jylý jelileri men 10,5 myń shaqyrym elektr jelilerin jańǵyrtý josparlanǵan. Atalǵan sharalar jelilerdiń tozý deńgeıin tıisinshe 48 jáne 62%-ǵa deıin tómendetýge múmkindik beredi», dep atap ótti Oljas Bektenov.
Úkimette óndiristi lokalızasııalaý boıynsha jańa kelisimderge qol qoıyldy
Bul rette Premer-mınıstr vedomstvolar men ákimdikterdiń jóndeý jumystarynyń kólemi men olardy qarjylandyrýdy qysqartýǵa jol bermeýi qajettigine nazar aýdardy. Árbir mundaı fakt boıynsha menshik ıelerine, sol sııaqty basqarýshy kompanııalarǵa qatysty sharalar qabyldanady. Osyǵan baılanysty «KEGOC» kompanııasyna Energetıka mınıstrligimen birlesip, 25 mamyrǵa deıin ulttyq mańyzy bar stansalarǵa arnalǵan jabdyqtardyń jumys rejımderin bekitýdi tapsyrdy.
Sondaı-aq kelesi jylytý maýsymyna daıyndyqty qamtamasyz etý úshin óńirlerge memleket tarapynan barlyq qajetti qarjylyq qoldaý kórsetiletinin atap ótildi. Energııa kózderi men jelilik jabdyqtardy jóndeý jáne aýystyrý boıynsha josparly jumystardy jalǵastyrý qajet.
Jylý jelilerin der kezinde ári sapaly synaqtan ótkizý kerek. Barlyq jumys belgilengen merzimde jáne tolyq kólemde oryndalýy tıis.
Úkimet tarapynan barlyq qajetti qoldaý kórsetiledi. Úkimet rezervinen 25 mlrd teńgeden astam qarjy bólý týraly sheshim maquldandy. Atalǵan qarajat Jetisý, Abaı, Aqmola jáne Shyǵys Qazaqstan oblystarynda jylý kózderin jóndeý men salýǵa, sondaı-aq tórt óńirde 30 shaqyrymǵa jýyq jylý jelilerin jóndeýge baǵyttaldy.
Oljas Bektenov bólingen qarajattyń tıimdi jumsalýyn jáne qol jetkizilgen nátıjelerdi baqylaýda ustaý qajet ekenin basa aıtty. О́ńirlerde energııa nysandarynyń daıyndyq pasporttaryn almaıtyn jaǵdaılar tirkeletin bolsa, oǵan óńir ákimderi tikeleı jaýapty bolady.
О́ńir ákimdikterine eki apta merzimde barlyq konkýrstyq rásimderdi ótkizip, jóndeý jumystaryna naqty kirisý tapsyryldy.
«Eshqandaı basy artyq bıýrokratııa bolmaýy kerek. Jylýmen qamtamasyz etý nysandaryn jóndeý jumystaryn tamyz aıynyń sońynan keshiktirmeı aıaqtaý qajet. О́nerkásip jáne qurylys mınıstrligi, óńir ákimdikteri 1 qyrkúıekke deıin bilim berý jáne densaýlyq saqtaý nysandarynyń tolyǵymen daıyn bolýyn qamtamasyz etsin. Soltústik, ortalyq jáne shyǵys óńirlerde barlyq ınjenerlik ınfraqurylym men turǵyn úı-kommýnaldyq sharýashylyq nysandary 15 qyrkúıekke deıin, al qalǵan óńirlerde 15 qazanǵa deıin tolyq ázir bolýy tıis. Ákimderge jylý nysandaryna turaqty negizde baryp, jaǵdaıdy jeke baqylaýǵa alýdy tapsyramyn», dep atap ótti Premer-mınıstr.
Ákimdikterde úılestirý joq: Úkimet basshysy jergilikti jerdegi kemshilikterdi atap ótti
Energetıka mınıstrligine Kólik mınıstrligimen jáne ákimdiktermen birlesip, 1 qyrkúıekke deıin jylý kózderi men temirjol tuıyqtarynda otyn qoryn aldyn ala jınaqtaýdy qamtamasyz etý tapsyryldy.
Tapsyrmalardyń oryndalýyn úılestirý jáne baqylaý Premer-mınıstrdiń birinshi orynbasaryna júkteldi.
