Buǵan deıin elimizde Analar kúni qyrkúıek aıynda toılanatyn. Alaıda, Úkimettiń 2023 jylǵy 31 mamyrdaǵy qaýlysyna sáıkes, mereke mamyr aıynyń ekinshi jeksenbisine bekitildi. Mereke datasy halyqaralyq standarttarǵa sáıkestendirý maqsatynda aýysty.
Analar kúnin mamyrdyń ekinshi jeksenbisinde toılaý dástúri álemniń 20-dan astam elinde qalyptasqan. Olardyń qatarynda AQSh, Kanada, Germanııa, Italııa, Túrkııa, Japonııa, Brazılııa men Aýstralııa sııaqty memleketter bar.
Elimizde analardyń mártebesin kóterip, otbasy ınstıtýtyn nyǵaıtý baǵytynda Qazaqstan halqy Assambleıasy janynan «Analar keńesi» qurylǵan.
Búginde respýblıka boıynsha Analar keńesiniń 1 713 bólimshesi jumys isteıdi, onyń ishinde 17 oblystyq, 56 qalalyq, 159 aýdandyq jáne 1 481 aýyldyq bólim bar, al keńes quramynda 16 051 áıel qyzmet atqarady.
2024 jylǵy ulttyq baıandamaǵa sáıkes, qazaqstandyqtardyń basym bóligi analarǵa arnalǵan memlekettik qoldaý sharalary týraly habardar. Kópbalaly analarǵa arnalǵan járdemaqyny 81,3% biledi. Ataýly áleýmettik kómekti – 76,1%, júktilik jáne bosaný demalysyn – 73,5%, bala týǵandaǵy birjolǵy tólemdi – 71,4% halyq biledi.
Aıda Balaeva: Qazaq dúnıetanymynda ana beınesi qashanda aıryqsha qasterlengen
Eńbek jáne halyqty áleýmettik qorǵaý mınıstrliginiń málimetinshe, ótken jyly bala týǵan kezdegi birjolǵy járdemaqyny 338 myń adam alǵan. Bul maqsatqa 61,1 mlrd teńge jumsalǵan.
Sonymen qatar jumys isteıtin áıelderge Memlekettik áleýmettik saqtandyrý qorynan bala 1,5 jasqa tolǵanǵa deıin aı saıynǵy áleýmettik tólem beriledi. Al jumys istemeıtin áıelderge bala kútimi boıynsha memlekettik járdemaqy qarastyrylǵan.
Eńbek zańnamasy aıasynda analarǵa qysqartylǵan jumys kúni, aqyly úzilis jáne tolyq emes jumys ýaqyty tártibi sııaqty jeńildikter usynylady.
Sońǵy jyldary bala kútimi boıynsha tólem merzimi 12 aıdan 18 aıǵa deıin uzartylyp, kópbalaly jáne erekshe bala tárbıelep otyrǵan otbasylarǵa arnalǵan jańa qoldaý tetikteri engizildi.
Analar kúni – tek quttyqtaý aıtylatyn kún emes. Bul – ananyń qoǵamdaǵy rólin baǵalap, onyń ómir sapasyn jaqsartý joldaryn oılastyratyn mańyzdy data. О́ıtkeni myqty ana – myqty otbasy. Al myqty otbasy qýatty memlekettiń negizi bolyp qala bermek.
