Bıyl testileýge qatysýǵa 240 myńǵa jýyq talapkerden 446 myńnan astam ótinish túsken. Bul ótken jylmen salystyrǵanda (399 myń ótinish) suranystyń aıtarlyqtaı artqanyn kórsetedi.
Talapkerlerdiń basym bóligi memlekettik tilde synaq tapsyrýdy jón kórgen:
- Qazaq tilinde – 74%;
- Orys tilinde – 26%-ǵa jýyǵy;
- Aǵylshyn tilinde – 851 adam.
Ulttyq testileý ortalyǵynyń dırektory Nurseıit Baıjanovtyń aıtýynsha, eń tanymal pánder kombınasııasy ózgerissiz qaldy. Túlekterdiń 17,9%-y – «Matematıka-Fızıka» jubyn tańdaǵan. Odan keıingi orynda «Bıologııa-Hımııa» (14,5%) jáne «Shyǵarmashylyq emtıhan» (12,4%) tur.
Mınıstr UBT-ǵa qatysty jańasha ózgeristerdiń qandaı bolatynyn jarııalady
2026 jyly testileý formatynda eleýli ózgerister joq. Talapkerler 5 pán boıynsha 120 suraqqa jaýap beredi:
- Qazaqstan tarıhy – 20 tapsyrma;
- Oqý saýattylyǵy – 10 tapsyrma;
- Matematıkalyq saýattylyq – 10 tapsyrma;
- Eki beıindik pán – árqaısysynan 40 tapsyrma.
Maksımaldy ball – 140. Testileý ýaqyty – 4 saǵat (240 mınýt), al erekshe bilim berý qajettilikteri bar balalar úshin qosymsha 40 mınýt beriledi.
Ulttyq joǵary oqý oryndaryna túsý shekti baly – 65 ball, basqa JOO-na 50 ball, «Pedagogıkalyq ǵylymdar» bilim berý salasy boıynsha – 75 ball, «Densaýlyq saqtaý» bilim berý salasy boıynsha – 70 ball, «Quqyq» daıarlaý baǵyty boıynsha – 75 ball.
UBT formaty ózgeredi: Endi talapkerler bir-aq ret test tapsyrady
Bıyl da qaýipsizdik sharalary qatań. Metall izdegishter, baılanys sıgnaldaryn basatyn qurylǵylar jáne beınebaqylaý qoldanylady. Mańyzdy eskertý: UBT aıaqtalǵannan keıin 31 qazanǵa deıin beınejazbalar qaıta tekseriledi. Eger tyıym salynǵan zat qoldanylǵany anyqtalsa, nátıje de, grant ta joıylady.
