Foto: istockphoto.com
Qazirgi ýaqytta bank ıslam ıpotekasynyń tetikterin zerttep jatyr. Lázzat Ibragımova bul baǵyttyń Qazaqstanda bolashaǵy zor ekenin atap ótti. Sebebi halyq tarapynan mundaı qarjy quraldaryna qyzyǵýshylyq joǵary.
Aıta keteıik, sáýir aıynda Qarjy naryǵyn retteý jáne damytý agenttigi Májiliste «Otbasy bankke» ıslamdyq qarjylandyrýmen aınalysý quqyǵyn beretin zańnamalyq túzetýlerdi tanystyrǵan bolatyn.
Bank basshysynyń sózinshe, zań maýsym aıynyń sońyna deıin qabyldanýy múmkin. Keıin lısenzııa rásimdeý jumystary júrgizilip, jańa ónim qyrkúıek nemese 2026 jyldyń 1 qazanyna deıin tanystyrylýy yqtımal.
Islam qarjylandyrýynyń basty ereksheligi – sharıǵat talaptaryna sáıkes paıyz eseptelmeıdi. Osyǵan baılanysty bank paıyzsyz depozıtter men nesıeler usynýdy kózdep otyr.
Sonymen qatar ıslam ıpotekasynda bastapqy jarna kólemi ártúrli bolýy múmkin. Aldyn ala málimet boıynsha, ol baspana qunynyń 20-50 paıyzy aralyǵynda belgilenedi. Jańa ıpoteka baǵdarlamasy basqa turǵyn úı baǵdarlamalarynan bólek júzege asyrylady.
Aıta keteıik, 1 shildeden bastap ıpotekalyq nesıeler boıynsha shekti mólsherleme bastapqy jarna kólemine qaraı belgilenedi.
Endi kommersııalyq bankter de turǵyn úı-qurylys jınaqtary júıesine qatysyp, azamattarǵa jańa ıpotekalyq ónimder usyna alady.
