Bilim men tárbıe – egiz uǵym

Elbasy Nursultan Nazarbaev Qazaqstan halqyna arnaǵan Joldaýynda: «2015 jyl – ult­tyq tarıhymyzdy ulyqtaý jáne búgingi bıikterimizdi baǵa­laý turǵysynan mereıli belester jyly. Qazaq handyǵynyń 550 jyldyǵyn, Qazaqstan halqy Assambleıasy men Konstıtýsııamyzdyń 20 jyldyǵyn, Uly Jeńistiń 70 jyldyǵyn atap ótemiz», dedi. Prezıdenttiń osy sózi ustaz­dar qaýymyna úlken júk artary sózsiz. О́ıtkeni, qazaqstandyq patrıotızmdi, eldik rýhty, ult­jandylyqty, eldiń tuǵyr­ly­ǵyn,­ ultaralyq kelisim men syılas­tyqty jas býynnyń sanasyna sińirý – ár ustazdyń mindeti, asyl paryzy der edik. Ári zor jaýapkershilik júkteıdi. Jas jetkinshekterdi tárbıelep, oqytýda olardyń sana-sezimine otandyq súıispenshilikti, eldik rýhty, meken etken ortasyn, ha­lyq­tar arasyndaǵy birlik pen yntymaqty, syılastyq pen ta­ǵat­tylyqty, janashyrlyqty, ult­tyq uǵymdaryn alǵash uǵyn­dy­ra­tyn, túsindiretin, ashyq jol­ǵa týra, naqty jol silteıtin, tul­ǵa boıyndaǵy izgilik pen jaq­sylyq qasıetterin darytatyn, qalyptastyratyn da – ustaz. Jeke basyma Elbasynyń Ulytaý tórindegi suhbat-syry, Táýelsizdik kúnindegi Táýelsizdik tolǵaýy jan tebirenterlik áser týǵyzdy. Barshamyzdy Táýel­siz­diktiń uly rýhy jebep, biriktiredi, boıymyzǵa qýat berip, erteńgi kúnimizge senimimizdi nyǵaıtady. Táýelsizdik – jalpyǵa ortaq qundylyq. Soltústik Qazaqstan oblysy Petropavl qalasyndaǵy ózim eńbek etip júrgen Ábý Dosmuhambetov atyndaǵy oblystyq daryndy ba­lalarǵa mamandandyrylǵan gım­nazııa-ınternatynyń ­us­ta­­­- ny­my – osy maqsatta oqýshy­lardyń bilimge, ǵylymı izde­nisterge qushtarlyǵy, qasıetti qarashańyraq 80 jyl ishinde ana tilin balanyń boıyna darytý, oqýshylarymyzdyń boıyna eldik pen otandyq, ultjandylyq qasıetterdi sińirýde ujymnyń atqarar isteri jetip artylady. Bilim ordasynyń aty respýblıkaǵa jaqsy tanymal. Onyń irgesinen eline eleýli, halqyna qalaýly talaı azamattar ushyp shyǵyp, ǵylym, bilim kóginen injý-mar­jan terip júr. Jalyndaǵan jastar olarǵa qarap boı túzeıdi. Urpaqtar arasyndaǵy sabaqtastyq óz jalǵasyn taýyp keledi. Oǵan oqýshylarymyzdyń túrli bilim baıqaýlarynda ǵylymı jobalarda, olımpıadalarda top jaryp, tegin oqý granttaryn ıelenýin, shetelderde tájirıbe almasýlaryn aıtar edik. Kózderinde ot oınap, júregi jalyn atqan jastar eline, Otanyna mysqaldaı paıda tıgizip jatsa, oqý-toqýdyń sońǵy jańalyqtarymen qarýlanyp, álem­dik bıikterge umtylyp jat­­- sa – eńbektiń janǵany, tárbıeniń ótelgeni. Elbasy aıt­qan­daı, bola­shaq – jastardyń qo­lynda. El taǵdyryn olarǵa senip tapsyrsaq, keleshegimizdiń jarqyn, bolasha­ǵymyzdyń kemel bolary anyq. Ár balanyń minez-qulqy, qa­bi­let-qarymy ata-ana men us­taz­ǵa jaqsy aıan. Soǵan oraı is-áreket etip, tárbıe jaıyna­ úlken jaýapkershilikpen qaraı­tyn bolsaq, Máńgilik Elge bet alǵan uly jolda birlik pen ynty­maǵymyz nyǵaıyp, baǵyndyrar belesterden kórine bererimiz sózsiz. Máńgilik El – ár qazaqstan­dyqtyń qasıetti de kıeli urany bol­ǵaı deımin.  Álııa BAQTYBAEVA, Ábý Dosmuhambetov atyndaǵy oblystyq daryndy balalarǵa mamandandyrylǵan  gımnazııa-ınternaty dırektorynyń oqý isi jónindegi orynbasary. Petropavl.