Foto:Vıdodan alynǵan kadr
Dúnıejúzilik densaýlyq saqtaý uıymynyń málimetinshe, estý qabiletiniń buzylýy – balalar arasyndaǵy múgedektiktiń keń taralǵan túrleriniń biri. Qazirgi tańda álemde 95 mıllıonnan astam mektep oqýshysy osyndaı qıyndyqqa tap bolǵan. Sarapshylar 2050 jylǵa qaraı bul kórsetkishtiń artýy múmkin ekenin aıtady.
Kenııalyq ınjenerler jasaǵan robottalǵan qol muǵalimniń aıtqan sózin birden ym-ıshara tiline aınaldyrady. Júıeni iske qosý úshin arnaıy sensorly kostıýmder qoldanylady, olar adamnyń qımylyn tirkep, derekter bazasyna engizedi. Qurylǵy qazirgi ýaqytta Machakos qalasyndaǵy mekteptiń birinde synaqtan ótkizilip jatyr.
Jobanyń avtory Maksvell Opondonyń aıtýynsha, bul júıe qashyqtan oqytýǵa da beıimdelgen. Bir jaǵynda muǵalimniń basqarý ekrany bolsa, ekinshi jaǵynda robottalǵan qol men ekzoskelet jumys isteıdi.
Tennıs ústelindegi sensasııa: AI-robot kásibı oıynshylardy jeńdi
Robot 3D-basyp shyǵarý tehnologııasymen qaıta óńdelgen plastıkten jasalǵan jáne ınterneti álsiz aımaqtarda da qoldanýǵa múmkindik beredi. Synaq kezeńine 500 myńnan astam oqýshy qatysqan. Qazir bul ádis Shveısarııada testilenip jatyr, al Fransııa men Vetnam óz analogtaryn ázirlep jatyr.
Eske sala keteıik, buǵan deıin Japonııanyń aýyldyq aımaqtarynda aıýlardan qorǵaý úshin qasqyr beınesindegi robottar jasalyp shyǵarylǵanyn jazǵan edik.
