«Qaırattyń» tabysy – 21,2 mıllıon eýro

Bıylǵy maýsymda «Qaırat» Chem­pıondar lıgasynyń toptyq týrnırinde tabys­ty óner kór­setip, sol jarystyń jalpy kezeńine qatysý qurmeti­ne ıe boldy. Bul – tarıhı oqıǵa. О́kinishke qaraı, alma­tylyqtar qart qurlyqtyń kók­jal­darymen teń dárejede aıqasa almady. Olar segiz oıynynyń jeteýinde utylyp, bir ret teń tústi. Nátıjesinde, jarys kestesindegi eń sońǵy, 37-orynda qalyp qoıdy. Degenmen, osy mejege jetkeni úshin «Qaırat» qarjy­lyq tur­ǵydan biraz paıdaǵa keneldi. Qaırat Boranbaevtyń koman­da­synyń esepshotyna 21,2 mln eýro aýdaryldy.

Eýrolıgada oljaǵa molynan ke­nel­gender arasynda Anglııa alda. Jalpy kezeńde olardyń toǵyz klýby óner kórsetti. Sonyń arqa­synda aǵylshyndar 676,0 mln eýro enshiledi. Sondaı-aq TOP–5-tik­tiń qatarynda mynadaı elder bar: Ispanııa (8 klýb) – 446,2 mln, Ger­ma­nııa (7 klýb) – 386,8 mln, Italııa

(7 klýb) – 315,7 mln, Fransııa (7 klýb) – 310,7 mln.

Osy oraıda elimiz fýtbolda je­ńispen órilgen baı dástúri bar Ýkraına (21,1 mln, 2 klýb), Majarstan (19,4 mln, 1 klýb), Serbııa (19,0 mln, 1 klýb), Rýmynııa (14,0 mln, 2 klýb), Shvesııa (11,9 mln, 2 klýb) syndy irgeli memleketterden birshama kóp tabys tapqanyn aıta ketken jón.