Sýret: moneytimes.ru
18 jasqa tolǵan azamattar «Otbasy bankiniń» birqatar baǵdarlamasyna qatysýǵa múmkindigi bar. Sonymen qatar «SentrKredıt Banki» arqyly júzege asyrylatyn «7-20-25» baǵdarlamasymen de baspanaǵa ıpoteka rásimdeı alady. Degenmen sarapshylar jastarǵa eń qolaıly tetikterdiń biri retinde «Naýryz» baǵdarlamasyn atap júr. Baǵdarlamanyń basty ereksheligi – stýdentterdiń shákirtaqysy resmı tabys retinde esepke alynady. Eger shákirtaqy kólemi jetkiliksiz bolsa, baǵdarlama sharttaryna sáıkes bir nemese eki kepilger tartýǵa bolady.
Ipoteka sarapshysy Gúlbıbi Jaqsybaıdyń aıtýynsha, baǵdarlamaǵa qatysý úshin eń aldymen «Otbasy bankindegi» jınaq shotynda belgili bir kólemde qarajat bolýy qajet.
«Stýdent aldymen jınaq shotyn 2 mln teńgege tolyqtyrady. Keıin Baspana Market platformasy arqyly ótinim beredi. О́tinim tapsyrylǵan kezde esepshottaǵy qarajat tolyq kólemde jatýǵa tıis. Shamamen bir aptadan keıin konkýrstyń qorytyndysy jarııalanady. Qatysýshylardy irikteý barysynda jınaqtaǵy syıaqy kórsetkishi eskeriledi. Iаǵnı uzaq ýaqyt turaqty túrde qarajat jınaǵan azamattardyń múmkindigi joǵary bolady», deıdi maman.
Sarapshynyń sózinshe, konkýrs arqyly iriktelgen qatysýshylar tabysyn rastaý kezeńinen ótedi. Bul rásimdi bank bólimshesinde de, onlaın formatta da júrgizýge bolady. Stýdentterdiń shákirtaqysy tabys retinde qabyldanady. Sonymen qatar kepilger retinde tartylatyn adamnyń resmı jumysy bolýy ári zeınetaqy jarnalary turaqty aýdarylyp turýy qajet. Kelesi kezeńde alǵashqy jarna engiziledi. Mysaly, páter quny 30 mln teńge bolsa, alǵashqy jarna 6 mln teńgeni quraıdy. Buǵan deıin jınaqtalǵan
2 mln teńge sol somanyń ishine kiredi de qosymsha 4 mln teńge salynady. Al 25 mln teńgelik turǵyn úı úshin
5 mln teńge, 20 mln teńgelik baspana úshin 4 mln teńge kóleminde alǵashqy jarna kerek.
«Naýryz» baǵdarlamasy aıasynda áleýmettik osal toptar úshin nesıe mólsherlemesi jyldyq 7 paıyz bolsa, ózge qatysýshylarǵa 9 paıyz bolyp belgilengen. Nesıe merzimi 19 jylǵa deıin beriledi. Baǵdarlama arqyly Astana men Almaty qalalarynda 36 mln teńgege deıingi, al basqa óńirlerde 30 mln teńgege deıingi turǵyn úı satyp alýǵa bolady. Jalpy, búginde jastardyń baspanaly bolýyna baǵyttalǵan múmkindikter kóbeıip keledi. Sondyqtan stýdenttik kezeńnen bastap qarjy jınap, turǵyn úı baǵdarlamalarynyń sharttaryn zertteý bolashaqta óz baspanasyna qol jetkizýge kómektesýi múmkin», deıdi G.Jaqsybaı.
Darıǵa DARHAN,
L.N.Gýmılev atyndaǵy EUÝ stýdenti
