Foto: ashyq derekkóz
Norvegııalyqtar matchty belsendi bastap, qarsylas qaqpasyna jıi qaýip tóndirdi. Bul áreket 29-mınýtta nátıje berdi. Antonıo Nýsa men Aleksander Sıorlot uıymdastyrǵan shabýyldy Erlıng Holand sátti aıaqtap, esep ashty.
Alaıda Irak quramasy kóp kúttirmeı jaýap qatty. 40-mınýtta Aımen Hýsseın aıyp alańyndaǵy tartysta jeńip shyǵyp, dopty qaqpanyń joǵarǵy buryshyna dál baǵyttap, tarazy basyn teńestirdi.
Degenmen teń esep uzaqqa sozylmady. Úsh mınýttan keıin Erlıng Holand taǵy da kózge tústi. Irak qorǵaýshylarynyń qateliginen keıin dop shabýylshyǵa tıip, qaqpaǵa endi. Osy goldyń arqasynda Norvegııa birinshi taımdy basymdyqpen aıaqtady.
Fýtboldan álem chempıonaty-2026: Oıyndardyń tolyq kestesi men ýaqyty belgili boldy
Úzilisten keıin Irak esepti teńestirýge tyrysqanymen, bolmady. 76-mınýtta bapkerler shtaby jasaǵan aýystyrý óz nátıjesin berdi. Martın Edegor buryshtamadan dop asyrsa, Leo Estıgor baspen soǵyp, esepti 3:1-ge jetkizdi.
Match sońynda, qosymsha ýaqyttyń 90+7-mınýtynda Krıstıan Torstvedt nátıjeli shabýyldy túıindep, qorytyndy esepti 4:1 etip belgiledi.
Osy jeńistiń arqasynda Norvegııa alǵashqy úsh upaıyn enshilep, toptaǵy kóshbasshylar qataryna shyqty.
Buǵan deıin Belgııa men Egıpet quramasy arasyndaǵy oıyn 1:1 esebimen aıaqtaldy. Osylaısha, G tobyndaǵy tórt qurama da alǵashqy týrdan keıin bir-bir upaıdan enshiledi.
