Kompanııaǵa tıesili dıirmen kesheni on bes jyldan beri sapaly un shyǵarady. Shıkizatty kóbine Fedorov aýdanynyń sharýashylyqtarynan satyp alady. Zamanaýı dıirmennen shyqqan joǵary, birinshi surypty un Túrkııaǵa eksporttalady. Al kebegi mal azyǵy esebinde arzan baǵamen ózge óńirlerge jóneltiledi. Kásiporyn keıingi bir jyl kóleminde ózi óndiretin joǵarǵy surypty unnan makaronnyń uzyn, qysqa túrlerin jasap shyǵara bastady.
«Kóp jyldardan beri bıdaı óńdeýmen aınalysyp kelemiz. Bul salada mol tájirıbe jınaqtadyq desek bolady. Bastapqy kezeńde un shyǵarýmen ǵana shektelip kelsek, qazir ózimizdiń shıkizattan makaronnyń túr-túrin shyǵaryp jatyrmyz. Bizdiń kásiporynda un óńdeýden bastap, daıyn makaron ónimderine deıingi tolyq óndiristik sıkl jolǵa qoıylǵan. Shıkizat retinde qatty bıdaıdy ǵana paıdalanamyz. О́ndiristiń táýliktik kólemi tapsyrys aýqymyna baılanysty ózgerip otyrady. Munda 15 adam jumys isteıdi. Eń aldymen eńbek qaýipsizdigi, tazalyq talaptaryna mán beriledi», deıdi seriktestik dırektory Talǵat Naýryzbaev.
Kompanııa eshbir hımııalyq qospasyz taza makaronnyń on shaqty túrin óndiredi. Máselen, sehtan táýligine 72 tonna qysqa kesilgen makaron, 24 tonna spagettı shyǵady. О́nim ishki, syrtqy naryqqa birdeı saýdalanady.
Kompanııa 2021 jyly burshaq daqyldaryn óńdeıtin taǵy bir jelini iske qosqan. 50 shaqty adam jumys isteıtin bul óndiris ornynda táýligine 240 tonna burshaq, jasymyq óńdeledi. О́nimniń deni shetelge eksporttalady.
«Damý-О́ndiris» baǵdarlamasy arqyly jeńildetilgen nesıe alyp, aýmaǵy 4000 sharshy metr bolatyn jańa nysannyń ǵımaratyn salyp shyqtyq. Keıin «О́rleý» baǵdarlamasy aıasynda 12,6 paıyz jyldyq syıaqymen 300 mln teńge nesıe alyp, óndiriske qajet qurylǵylardy satyp aldyq. Atalǵan memlekettik qoldaý tetigi óndiriske óte qolaıly. Sehtyń kerek-jaraǵyn jetkizý, ornatý jumysyna bir jyldaı ýaqyt ketti. Búginde óndiris turaqty jumys istep jatyr, 20 adam eńbek etedi. О́ndiris tolyq avtomattandyrylǵan rejimde jumys isteıdi», deıdi kompanııanyń qarjy dırektory Álııa Ahmetova.
Kompanııa shıkizatty jergilikti sharýalardan satyp alady. Odan óńdep shyǵarǵan daıyn ónimniń 70–75 paıyzyn Túrkııaǵa jóneltedi. Alaıda keıingi jyldary otandyq naryqta jasymyqqa degen suranys arta túsken. Álııa Ahmetovanyń aıtýynsha, jasymyq burshaq ózge de jarmalardan áldeqaıda qunarly ári densaýlyqqa paıdaly mıkromıneraldarǵa baı. Onyń ústine, pisýi de tez, ári ketse 10 mınýttyń ishinde daıyn bolady. Sondyqtan keıingi jyldary tutynýshylar tarapynan burshaqqa qaraǵanda jasymyqqa suranys artyp keledi.
«Biz ońtústik óńirlerge jasymyq jiberemiz. Alaıda ónimniń kóbin Túrkııa satyp alyp jatyr. Basty mindet – óńir sharýashylyqtary ósirip jatqan daqyldardy shetelge shıkizat túrinde jibermeı, óńdep, daıyn ónim túrinde jóneltý. Búginde biz sııaqty kásiporyndarǵa memleket jan-jaqty jaǵdaı jasap, úlken qoldaý kórsetip jatyr. Prezıdent aýylsharýashylyq ónimderin óńdeý salasyn damytýdy tapsyryp otyr. Mundaı jaǵdaıda talap qylyp, alǵa umtylmaýǵa bolmaıdy. Bizdiń kompanııanyń búgingi tynys-tirshiligi, qol jetkizip jatqan tabysy memlekettiń azyq-túlik salasynda atqaryp jatqan aýqymdy isteriniń tamshydaı ǵana bir kórinisi ekeni daýsyz», deıdi kásiporyn basshysy.
Qostanaı oblysy
