Kóńil aıtý jedelhattaryn joldady

Elbasy Nursultan Nazarbaev Týnıs Respýblıkasynyń Prezıdenti Bedjı Kaıd As-Sebsıge Sýs qalasynda bolǵan terrorlyq aktige baılanysty kóńil aıtý jedelhatyn joldady, dep habarlady Qazaqstan Prezıdentiniń baspasóz qyzmeti. Kóńil aıtý jedelhatynda Memleket basshysynyń Sýs qalasynda bolǵan terrorlyq akt saldarynan kóptegen Týnıs jáne shetel azamattarynyń qaza tapqany týraly sýyt habardy zor kúızelispen qabyldaǵany atap ótilgen. «Qazaqstan barsha álemniń beıbitshiligi men qaýipsizdigine eleýli qaýip tóndirip otyrǵan halyqaralyq ekstremızm men terrorızmdi úzildi-kesildi aıyptaıdy», – delingen jedelhatta. Nursultan Nazarbaev Qazaqstan halqynyń jáne jeke óziniń atynan qaza bolǵandardyń týystary men jaqyndaryna, sondaı-aq, barsha Týnıs Respýblıkasynyń halqyna kóńil aıtyp, zardap shekkenderdiń tezirek saýyǵyp ketýine tilektestik bildirdi. * * * Qazaqstan Prezıdenti Nursultan Nazarbaev Kýveıt Memleketiniń Ámiri Sabah ál-Ahmed ál-Djaber as-Sabahqa Ál-Kýveıt qalasynda bolǵan terrorlyq aktige baılanysty kóńil aıtý jedelhatyn joldady, dep habarlady Prezıdenttiń baspasóz qyzmeti. Kóńil aıtý jedelhatynda Memleket basshysynyń Ál-Kýveıttegi terrorlyq akt saldarynan kóptegen jazyqsyz jandar qaza tapqany jáne zardap shekkeni týraly qaıǵyly habardy zor kúızelispen qabyldaǵany aıtylǵan. «Biz dúnıejúzilik qoǵamdastyqtyń halyqaralyq ekstremızm men terrorızm qaterine qarsy kúrestegi kúsh-jigeri men qadamdaryn tolyq qoldaımyz», – delingen jedelhatta. Nursultan Nazarbaev Qazaqstan halqynyń jáne jeke óziniń atynan qaza bolǵandardyń týystary men jaqyndaryna, sondaı-aq, baýyrlas Kýveıt halqyna kóńil aıtyp, japa shekkenderdiń tezirek saýyǵyp ketýine tilektestik bildirdi.