О́zim bilemin dep ókinip qaldy

Bul týraly bizge Aqmo­la oblys­tyq balalar aýrýha­na­synyń bas dárigeri Qaıyr Abdrahmanov habarlady. Jet­kin­­shek munda jedel járdem kóligi­men ál ústinde jetkizilgen eken. Qala turǵynynyń 2008 jyly týǵan balasy aýrýhanaǵa tańǵy 5-te alyp kelingen. Shuǵyl túrde qaıta ota jasa­ǵan dárigerler oǵan «sırkýmsızodan keıingi qabyný» dıag­nozyn qoıypty. Keıin anyq­talǵanyndaı, balasyn súndetke otyrǵyzý nıetindegi áke ota­shyny alystan izdemeı, ózi iske kirisip ketken. Munyń sońy qan ketip, balanyń qy­zýy kóterilip, álsireýine ákelip soqqan. Aqyry «qoja áke» jedel járdem shaqyrýǵa májbúr bolypty. Qazir bala ýchaskelik dárigerden kómek alyp júr. – Mundaı jaǵdaı, tipti, kópti kórgen dárigerlerdiń táji­rıbesinde kezdespegen, – deıdi Qaıyr Hamıtuly. – Oqıǵaǵa selqos qaraýǵa bolmaıdy. Munyń ókinishti saldary bolýy múmkin edi. Sondyqtan, polısııaǵa, densaýlyq saqtaý basqarmasyna habarladyq. Bala ákesiniń qylyǵy kópshilik talqysyna túsýi kerek. Baqbergen AMALBEK, «Egemen Qazaqstan». KО́KShETAÝ.