Pedagogıkalyq ujymdardaǵy ózekti máseleler talqylandy

Keshe Aqordada Memlekettik hatshy Gúlshara Ábdiqalyqova 2015-2016 jańa oqý jylynyń qarsańynda elimizdiń bilim berý júıesiniń bir top úzdik qyzmetkerlerimen kezdesti. Olardyń arasynda aýyl muǵalimderi, jańashyl pedagogtar, pedagogıkalyq jáne ǵylymı mekemeler jetekshileri bar. Kezdesýge Bilim jáne ǵylym mınıstri A.Sárinjipov qatysty. О́ziniń kirispe sózinde Gúlshara Áb­­­diqalyqova Elbasy N.Nazar­­­baevtyń: «Básekege qabiletti damyǵan memleket bolý úshin biz saýattylyǵy joǵary elge aınalýymyz kerek», degen sózin qatysýshylardyń nazaryna saldy. Odan ári «100 naqty qadam» Ult josparynyń aıasyndaǵy bilim júıesin jańǵyrtýdyń búgingi kezeńdegi basty aıyrmashylyǵy – Ekonomıkalyq yntymaqtastyq jáne damý uıymy elderiniń standarttary negizinde adamı kapıtaldyń sapasyn kóterýge mańyz berý ekenin atap ótti. Bıylǵy jyly bilim berýdiń 2011-2020 jyldarǵa arnalǵan memlekettik baǵdarlamasy birinshi kezeńiniń iske asyrylýy aıaqtalady. Osy ýaqyt ishinde bastaýysh bilim berýdiń jalpyǵa mindetti memlekettik standarty qabyldandy, mektepke deıingi jalpy orta bilim berý standarttarynyń jobalary ázirlendi, pedagogıkalyq kadr­­­­lardyń biliktiligin arttyrýdyń túbegeıli jańa júıesi quryldy. Mektepke deıingi bilim berý júıesi tabysty damydy, qa­zirgi ýaqytta elimizde 8780 mektepke deıingi mekeme jumys isteıdi, ol 3-6 jas aralyǵyndaǵy sábılerdiń 78,6 paıyzyn qamtıdy. Elimizdiń barlyq óńirlerinde balalardy oqytýdyń jáne tárbıe berýdiń ınnovasııalyq tásilderin tabysty engizip kele jatqan 19 Nazarbaev zııatkerlik mektebi qurylyp, jumys isteýde. Jalpy jáne kásiptik tehnıkalyq bilim berý júıesinde dýaldy oqytýdyń jańa tehnologııa­lary engizilýde. «100 naqty qadamdy» iske asyrý aıasynda ekono­mı­ka­nyń 6 jetekshi salasyna bilik­ti kadr­lar daıarlaý úshin 10 kol­ledj­ belgilendi. Respýblıkada 125 joǵa­­ry oqý orny jumys isteıdi, sonyń 29-y joǵary jáne joǵary oqý ornynan keıin bilim berýdiń 252 mamandyǵy boıyn­sha Halyqaralyq maman­dandyrylǵan akkredıtasııa­dan ótti. Jınalǵandarǵa Mem­lekettik hatshy osy jáne basqa da derekterdi aıtty jáne ózi de qatysýshylardyń kókeıkesti máselelerin tyńdady. Sonyń ishinde Memleket basshysy usynǵan bes ınstıtýttyq reformanyń aıasyndaǵy, sondaı-aq, pedagogtardyń mártebesin kóterý, aýyl mektepteriniń, tehnıkalyq bilim berý mekemeleriniń, ǵylymı jáne pedagogıkalyq uıym­dardyń jumystaryna baılanysty ózekti máseleleri talqylandy. Máselen, Soltústik Qazaqstan oblysyndaǵy Aıyrtaý aýdany Imantaý orta mekte­biniń qazaq tili men ádebıetiniń muǵalimi Dos­jan Nurseıitov Gúlshara Ábdi­qalyqovaǵa qazaq tilin jedeldetip oqytý ádistemesin tanystyrdy. «Men búgin óz jobamdy tanys­tyr­dym. Ol qazaq tilin jedeldetip oqy­tý dep atalady. Bul re­seı­lik ǵalym D.Pet­­­rovtyń ádis­teme­siniń jáne aǵyl­shyn tilin úıre­tý ádis­temeleriniń qa­zaq tiline ıkemdelgen, yqsham­dalǵan kóshir­mesi. Ony qazirgi tehnı­ka­lyq qural­dardyń kóme­gimen ǵalam­torǵa jarııalaý arqyly qazaq tilin úırenemin degen qazaqstandyqtar men sheteldik aza­­mattardyń nazaryna usyndyq. Qazirgi ýaqytta suranysy joǵary bolyp tur», – dedi ol kezdesý sońynan BAQ ókilderine. Talqylaý nátıjesi boıynsha Mem­lekettik hatshy quzyrly memle­kettik organdarǵa birqatar naqty tapsyrmalar berdi. Kezdesý sońynda G.Ábdiqalyqova jer be­tindegi eń izgi mamandyqtyń ókil­deri – pedagogtardy aldaǵy jańa oqý jylynyń bastalýymen quttyq­tap, olarǵa zor densaýlyq, shyǵar­mashylyq tabys, baqyt pen ıgilik tiledi. Kezdesýge Qaraǵandy obly­syndaǵy Aqtoǵaı aýdanynyń Sha­shýbaı kentindegi tirek mekte­biniń dırektory A.Tókbaeva, Se­meıdegi Nazarbaev zııatkerlik mekte­biniń muǵalimi M.Myńbaeva, Alma­tydaǵy O.Jáýtikov atyndaǵy fızıka-matematıka mektebiniń oqytý­shysy A.Slobodıanıýk, Shym­kenttegi muǵalimder bili­min jetildirý ınstı­­­týtynyń jattyqtyrýshysy M.Shoı­manova jáne t.b qatysty. Jaqsybaı SAMRAT, «Egemen Qazaqstan».