Nurly Jol – bolashaq baǵdary

Keshe Astanada «Nurly Jol – qazaqstandyq damý joly» taqyrybynda «Qazaqstan-2050» jalpyulttyq qozǵalysynyń II forýmy bolyp ótti. Oǵan Premer-Mınıstrdiń orynbasary Berdibek Saparbaev qatysty. «Memleket basshysy qazirgi zamanda bolyp jatqan geosaıası jaǵdaılardy eskere kele, dástúrli jyl saıynǵy Qazaqstan halqyna Joldaýyn burynǵysynan sál erterek, qarasha aıynda jarııalady. Ondaǵy Memleket basshysynyń aldymyzǵa qoıǵan mindeti qazirgi dúnıejúzilik daǵdarys Qazaqstanǵa óziniń áserin tıgizbeıtindeı etip, eldiń ál-aýqatyn tómendetpeı alyp shyǵý bolatyn. Soǵan oraı «Nurly Jol» memlekettik baǵdarlamasy qabyldandy. Ondaǵy eń negizgi maqsat – ınfraqurylymdardy damytý arqyly halyqty jumyspen qamtý, elimizde jumyssyzdardyń qataryn kóbeıtpeý. Árbir baǵdarlama tolyq máninde júzege asýy úshin, nátıje berýi úshin ol tıisti qarjylyq jaǵynan qamtylýy kerek. О́zderińiz buqaralyq aqparat quraldary arqyly jaqsy bilesizder, osy baǵdarlamany úsh jyldyń ishinde júzege asyrý úshin Ulttyq qordan 10 mlrd. dollar qaralyp otyr, sondaı-aq, oǵan qosymsha memleketimizde jumys istep jatqan halyqaralyq uıymdardyń, elimizdegi iri kásiporyndardyń esebinen qanshama qarjy bólinip otyr. Bir sózben aıtqanda, bul mem­lekettik baǵdarlama qarjymen tolyq qamtamasyz etilgen. Eger baǵdarlama oıdaǵydaı júze­ge asyp, tolyq nátıjesin beretin bolsa, eń kem degende 400 myńnan astam jańa jumys oryndary ashylady dep kúti­lýde», dedi forýmnyń ashylýyn­da sóılegen sózinde B.Saparbaev. Sondaı-aq, ol sóz arasynda álemde budan buryn da, talaı daǵdarystar oryn alǵanyn, ásirese, sońǵy 2007-2009 jyldarda qazirgi kezden de qıyn jaǵdaı bolǵan. Biraq sol kezdiń ózin­de El­basy Nursultan Nazar­baev­tyń «Jol kartasy» baǵ­dar­lamasynyń arqasynda Qa­zaqstan qıyn kezeńnen qym­­synbaı ótkenin tilge tıek etti. Endeshe «Nurly Jol» baǵdarlamasy da qazir­gideı álem ekonomıkasyn tu­raq­syzdyq jaılaǵan shaqta eli­mizdiń eńsesin túsirmeı, ál-aýqatyn tómendetpeýge kepil bolaryna mol senim bar ekendigin alǵa tartty. Ol sonymen qatar, qatysýshylardy forýmnyń ashylýymen qut­tyqtap, jumystaryna sáttilik tiledi. Forým tizginin budan ári «Qazaqstan-2050» jal­py­ult­tyq qozǵalysynyń tóra­ǵasy Danat Jumın qolǵa aldy. «Bizdiń elimizdiń basty jal­pyulttyq maqsaty – damyǵan otyz eldiń qataryna kirý. Sol damyǵan memleketterdiń sondaı deńgeıge jetý sebepteriniń biri – Úkimet pen qoǵam arasynda el bolashaǵy jaıynda ashyq áńgimeniń bolýy. Búgingi sharamyzǵa Úkimet pen ulttyq kompanııalardyń ókilderi, elimizdiń túkpir-túkpirinen kelgen belsendi jastar qatysýy asa mańyzdy», degen ol qatysýshylardy ashyq pikir alańynda erkin oı bólisýge shaqyrdy. Shyndyǵynda jıynǵa elimizdiń barlyq aımaqtarynan ǵylym, bıznes, bilim, medısına, ónerkásip já­ne kommersııalyq emes sek­tor­lardyń jas kásipqoı mamandary kelgen eken. Forým barysynda elimizdiń «Nurly Jol» Jańa Ekonomıkalyq Saıasatynyń basym baǵyttary talqylandy. «Qazaqstan-2050» jalpyulttyq qozǵalysy iske qosylǵan 1 jyl 3 aıdyń ishinde «Qazaqstan-2050» Stra­tegııasynyń maqsat-mindet­terine baǵyttalǵan 16 joba júzege asyrylǵan. Jyl basynan beri 3 joba iske qosyldy. Olar «Qazaqstanda jasalǵan» aksııasy, «Nurly Jol» baǵ­dar­­la­masynyń aıasynda jas­tardy jumyspen qamtý joba­sy jáne respýblıkalyq esse­ler baıqaýy. Qozǵalystyń eń iri jobalarynyń biri bıyl­ǵy jy­ly «Nurly Jol» baǵdar­la­ma­sy aıasyndaǵy alyp qury­lys­tarǵa jastardy tartý bo­lyp otyr. Búgingi tańda jas­tar­dan 3 myń 566 ótinish túsken. Forým aıasynda turǵyn úıdiń qoljetimdiligi men sapasy, turǵyn úı-kommýnaldyq sharýashylyǵyn jańǵyrtý, bıznesti qoldaý men damytý, bilim berý men jumyspen qamtý máseleleri boıynsha úsh pikirtalas alańy uıym­das­tyryldy. Dınara BITIKOVA, «Egemen Qazaqstan».