18 jasynan kásipkerlikpen aınalysyp kele jatqan Erbolat Taldyqorǵan qalasynyń naryǵyn zerttep, qol nany óndirisin qolǵa alýǵa bel býǵan. Alty aı boıy Almatyda tájirıbe jınap, naǵyz úı nanynyń dámin beretin tehnologııany úırenedi.
Ishki saýdaǵa serpin: Kásipkerlerge 4,3 mlrd teńge kóleminde qoldaý kórsetildi
«Nan óndirisinde jańalyq ashý múmkin emes sııaqty kóringenimen, biz barshaǵa tanys ónimdi tabıǵı ári paıdaly ete alamyz. Qupııamyz – tek tabıǵı ashytqy men qospasyz ıngredıentterdi qoldaný. Qazirgi tańda turaqty túrde alty adam eńbek etedi, barlyǵymyz birigip ónimdi keńeıtýdiń jolyn izdep jatyrmyz», deıdi jas kásipker.
Qazirgi tańda kásiporynda jergilikti undy paıdalana otyryp, kúnine 350-ge jýyq ónim daıyndalady. Daıyn ónim oblys ortalyǵyndaǵy 25 dúkenge jetkiziledi. Naýbaıhana qol ashytqysyn paıdalanyp, qamyrdy uzaq ýaqyt boıy ılep, keýekti ári qytyrlaq qurylymǵa ıe ónim shyǵarady. Qoldanylatyn ónimder qataryna tartın nan, dándi jáne múkjıdek qosylǵan nan, dándi baget, borodıno jáne qara bıdaı nandary, sondaı-aq chıabatta men qaraqumyq chıabatta kiredi. Kún saıyn 60 bólke áleýmettik nan da pisiriledi. Qajet bolsa, krýassan, sınnabon, samsa jáne basqa da ónimderdi shyǵarý múmkindigi bar.
О́nim qarqyndy muzdatý ádisinen ótkiziledi, bul ony alys aımaqtarǵa jetkizýge múmkindik beredi. Erbolat naýbaıhanany oblystyq jáne respýblıkalyq deńgeıge shyǵarý maqsatynda sapaly ári paıdaly ónim óndirýge baryn salyp keledi. Ol memleket tarapynan qoldaý kórsetilse, óndiristi ári qaraı keńeıtýge daıyn.
«Ár adam óz ornyn taýyp, tabysqa jete alady. Ol úshin isińdi súıip, jan-tánińmen berile jumys isteý qajet», deıdi ol.
Erbolattyń talpynysy Taldyqorǵan qalasyndaǵy shaǵyn jáne orta bıznestiń damýynyń jarqyn mysaly bolyp otyr. Qazirgi kezde qalada 21 myń kásipkerlik sýbekti jumys istep, osy salada 40,9 myń adam eńbek etedi.
Jumyrtqa men sary maı qymbattaǵan: Jetisýda baǵany negizsiz ósirgen kásipkerler jaýapqa tartyldy
