Irına Apeksımova Taganka teatryna dırektor boldy

ASTANA. 5 naýryz. Reseıdiń belgili kıno jáne teatr ártisi Irına Apeksımova Máskeýdegi Taganka teatrynyń dırektory bolyp taǵaıyndaldy. Bul týraly TASS habarlady. Tanymal aktrısa bul qyzmette Vladımır Fleısherdi almastyrdy. Muny Máskeý mádenıe departamentiniń basshysy Sergeı Kapkov qulaqtandyrdy. «Men jaqyn kúnderde ony ujymǵa tanystyramyn», - dedi ol. Aktrısa óziniń Taganka teatryndaǵy jumysyn 2012 jyldan beri dırektor bolyp kele jatqan Roman Vıktıýk teatryndaǵy qyzmetimen birge atqarýdy josparlap otyrǵanyn aıtty. «Meniń kelisimshart merzimim bitti, biz mádenıet departamentimen meniń qyzmetten ketetinim týraly kelistik», - dep túsindirdi bul aýys-túıisti Taganka teatryn 2013 jyldan beri basqarǵan Fleısher. Irına Apeksımova 1990 jyly MHAT-tyń mektep-stýdııasyn (Oleg Tabakovtyń sheberhanasy) bitirip, A.P.Chehov atyndaǵy MHAT-qa jumysqa turdy. Munda ol 2000 jylǵa deıin jumys jasady. Osydan keıin Vıktıýk teatrynda ákimshilik jumys atqara bastady. Teatr men kınoda 60-tan astam rolde oınady. Olardyń arasynda «Býrjýıdyń týǵan kúni», «Shyrlı-myrlı», «Janalǵysh» sekildi tanamyl fılmderge tústi. Taganka teatrynyń negizin qalaýshy jáne kórkemdik jetekshisi Iýrıı Lıýbımov 2014 jylǵy qazan aıynda qaıtys boldy. Rejısserdiń jasy 97-de edi. Murat Aıtqoja. Derek, foto: lenta.ru.