Hokkeı. Qazaqstan 2016 jylǵy álemdik dodada «V» tobynda oınaıdy

ASTANA. 19 mamyr. Qazaqstannyń hokkeıden 2016 jylǵy álem chempıonatyndaǵy qarsylastary belgili boldy. Bul týraly Halyqaralyq hokkeı federasııasyna (IIHF) silteme jasap, egemen.kz habarlady. Sáýir aıynda Polshada birinshi dıvızıonnyń «A» tobyndaǵy elder kúsh synasty. Nátıjesinde barlyq oıynda jeńiske jetken Qazaqstan quramasy jeńimpaz atanyp, elıtalyq dıvızıonnyń joldamasyna ıe boldy. Al osyndaı ekinshi joldamany Vengrııa ıemdendi. Sonymen qatar, ótken jeksenbide TOP-dıvızıon elderi arasyndaǵy álem chempıonatynyń da aıaqtalǵany belgili. Fınalda Reseıdi 6:1 esebimen tas-talqan etken Kanada kezekti ret chempıondyq ataqqa qol jetkizdi. Chehııada ótken atalǵan saıystan keıin IIHF jańa álemdik reıtıngti jarııalady. Bul tizimde Qazaqstan 17-orynda tur. Soǵan sáıkes kelesi jyly ótetin dodada hokkeıshilerimizdiń qarsylastary anyqtaldy. «V» tobyna túsken Qazaqstan Shvesııa, Shveısarııa, Reseı, Chehııa, Latvııa, Norvegııa jáne Danııa quramalarymen kúsh synasady. Al «A» tobynda AQSh, Fınlıandııa, Fransııa, Germanııa, Kanada, Slovakııa, Belarýs jáne Vengrııa quramalary synǵa túsedi. Atalǵan álem chempıonaty 2016 jyly 6-22 mamyr aralyǵynda Reseıdiń Máskeý jáne Sankt-Peterbýrg qalalarynda ótedi. Elaman Qońyr. Derek: egemen.kz. Sýret: facebook.com.