Úkimet basshysy Lıtva premer-mınıstrimen kezdesti

ASTANA. 19 mamyr. Búgin Astanada Premer-Mınıstr Kárim Másimov pen Lıtva Úkimetiniń basshysy Algırdas Býtkevıchıýstiń qatysýymen kelissózder ótip, birqatar qujattarǵa qol qoıyldy. Bul týraly «QazAqparat» habarlady. Kezdesý barysynda eki eldiń úkimetteri arasynda qupııa aqparattardy ózara qorǵaý týraly kelisimge qol qoıyldy. Sondaı-aq, Qazaqstannyń Qarjy mınıstrligi men Lıtvanyń Ishki ister mınıstrligi janyndaǵy qarjylyq qylmystardy tergeý jónindegi qyzmettiń arasynda qylmystyq jolmen alynǵan kiristerdi zańdastyrýǵa (zańsyz jolmen tabylǵan aqshanyń izin jasyrýǵa) jáne lańkestikti qarjylandyrýǵa qarsy áreketter salasynda ózara is-qımyl týraly kelisim bekitildi. Sonymen qatar, Qazaqstannyń Aýyl sharýashylyq mınıstrligi veterınarlyq baqylaý jáne qadaǵalaý komıteti men Lıtvanyń memlekettik azyq-túlik jáne veterınarııa qyzmeti yntymaqtastyq týraly memorandýmǵa qol qoıdy. Budan bólek, Qazaqstannyń Aqtaý qalasy men Lıtvanyń Klaıpeda qalasy arasynda dostyq pen yntymaqtastyq jónindegi nıettestik hattamasy bekitildi. Elaman Qońyr. Derek: «QazAqparat». Sýret: egemen.kz.