Almatylyqtardy abdyrtqan daýyl qaıtalanýy múmkin

ALMATY. 19 mamyr. О́tken senbidegi tutqıyldan qatty soqqan jel men artynan nóserletip toqtaýsyz jaýǵan jańbyr almatylyqtardyń esinde. «Qazgıdromet» dál sondaı oqıǵanyń aldaǵy kúnderi taǵy da qaıtalanytynyn eskertti. Bul týraly Qaz TAG habarlady. «Qazgıdromet» respýblıkalyq memlekettik kásiporny fılıalynyń bólim bastyǵy Svetlana Amanqulovanyń málimetine qaraǵanda, kelesi daýyl shamamen 21-22 mamyr kúnderi qaıta kóterilýi múmkin. «Qalada shań boran bolmasy anyq. Sebebi, jerdegi jaýynyń ylǵyly áli de kepken joq. Biraq, kóshelerde qaldyq pen kúl-qoqys kóp. Qýraǵan aǵashtar da barshylyq. Sondyqtan qalanyń tıisti kommýnaldyq mekemeleri bul jaıtty eskerýi tıis» dedi maman. Sınoptıkter aýa raıyna qatysty barlyq derekterdi kún saıyn qala ákimdigi men tótenshe jaǵdaılar komıtetine úzilissiz jiberip turady. Sondaı-aq, Svetlana Amanqulova: «Tabıǵattyń tosyn minez tanytýy maýsym aıynyń sońyna deıin áldeneshe ret qaıtalanýy yqtımal, óıtkeni, dál osy mezgilde Atlant muhıtynan aýyp Kaspııdiń ústimen ótken aýa tolqyny Ońtústik Qazaqstan oblysynyń aýmaǵyna jınalady. Osy kezderde atmosferanyń qysymy artyp, temperatýra tómendeıdi, jel kúsheıedi»,– dedi. Aıta keteıik, almatylyq sınoptıkter aldaǵy bolatyn tosyn qubylys týraly naqty málimetti 20 mamyr kúni taratatynyn da eskertip otyr. Talǵat Súıinbaı. Derek, sýret: QazTAG.