PAVLODAR. 19 mamyr. Oblys ortalyǵynda týǵan eki sábıge áke-sheshesi men atasy Kereı, Jánibek degen at qoıdy. Bul týraly egemen.kz tilshisi habarlady.
26 aqpanda dúnıege kelgen ulǵa Kereı dep at qoıǵan balanyń ata-anasy – Jelezın aýdanynda turady. Ákesi Rústem Ysqaqov sharýa qojalyǵynda jumys isteıdi. Anasy Aınagúl bolsa, mektepte muǵalim. Kereıge aǵa bolatyn úıde úlken uldary bar.
Al, oblys ortalyǵyndaǵy perzenthanada Kereımen qatarlas týǵan uldaryna Jánibek dep at qoıǵan ekinshi ata-ana, Aqnazar men Nazerke Abaıdildınder oblys ortalyǵynda turady. Nazerke stýdent bolsa, joldasy Aqnazar jumysta. Uldaryna Jánibek dep esimdi atalary qoıypty. Tipti, Aqnazardyń atasy shejire-tarıh syryn biletin adam ekeni baıqalady. Qazaq balaǵa tekten-tek at qoımaıdy. О́tkennen bir iz, belgi qaldyrý úshin túbine jetedi. Tarıhta aty belgili 1538-1580 jyldary bılik qurǵan Haqnazar han atalǵan Qasym hannyń balasy /Aqnazar/ han tusynda Qazaq handyǵy qaıta birikkeni, Haqnazar Qazaq memleketin 42 jyl bılegeni belgili. Olaı bolsa, jańa týǵan sábı Jánibektiń ákesi Aqnazardyń da aty tegin qoıylmaǵany anyq.
Al, Kereı men Jánibek 1465 jyly alǵashqy handyqty qurdy. Qazaq memlekettiliginiń tarıhy sol kezden bastaý aldy.
Bıyl Qazaq handyǵynyń qurylǵanyna 550 jyl tolý qurmeti halyqaralyq deńgeıde atalyp ótetinen de habardarmyz. Sodan, Kereı men Jánibek degen uldar dúnıege keldi degen jaqsylyq habar súıinshileı ákimdikterge,jurtshylyqqa jetti.Sóıtip, qalalyq Azamattyq hal aktilerin tirkeý bóliminiń basshysy Janar Toqaeva Rústem, Aınagúl Ysqaqovtar pen Nazerke, Aqzanar Abaıdildınderge eki sábı bolashaqta Kereı men Jánbek handar – Uly atalarynyń bir tamshysyndaı, beıbit kúnde eline qyzmet eter qaıratkerler bolsyn degen tilekpen «Týý týraly kýálikter» men 100 myń teńgeniń sertıfıkattaryn tabys etti. Urpaqtar jalǵasy, ata - baba joly, tilek qabyl boldy degen de osy shyǵar.
Farıda Byqaı.
Derek, sýret: egemen.kz
